Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ФЕССАЛОНИКЫШТЕ ИЛЫШЕ-ВЛАКЛАН КОЛТЫМО ИКЫМШЕ СЕРЫШЫЖЕ

Глава 3

1Сандене, ынде чытен огыналат, ме Афинеш шкет кодаш шонен пыштенна2да тендам пеҥгыдемдаш, ӱшанымаштыда кумылаҥдаш ме Тимофей изанам – Христосын Поро Увержым каласкалымаште Юмын служитлышыжым, мемнан дене пырля ыштышым – тендан деке колтенна.3Тек кызытсе орландарымашлан кӧра нигӧ огеш тайнышт. Те шкеат паледа, мыланна тыге пӱралтын.4Орланышаш улына манын, тендан дене лиймына годымак тыланда ончылгоч каласенна ыле. Тыгак лийын, тидым те паледа.5Санденак мый ынде чытен кертын омылат, ӱшанымыда нерген пален налаш колтенам. Алгаштарыше тендам алгаштарен мо, да мемнан пашана арам лийын мо манын, мый тургыжланенам.

6А ынде Тимофей, тендан деч мемнан деке толмекше, ӱшанымашда да йӧратымашда нерген поро уверым конден. Те мемнам эре порын шарнеда да, кузе ме тендам пеш чот ужнена, теат мемнам тугак ужнеда манын каласкален.7Сандене, иза-шольо-влак, чыла эҥгекна да нелылыкна годым тендан верч да ӱшанымыланда кӧра ме кумылаҥынна.8Те Господь дене пеҥгыдын ушнен шогеда гын, тугеже ме илена.9Ме тендан верч Юмына ончылно пеш куанена. Кузе ситышын тендан верч да тыланда кӧра куанымына верч Юмылан таум ыштен кертына?10Тендам ужаш да, ӱшанымаштыда мо ок сите, тудым ешараш йӧным пуыжо манын, йӱдшӧ-кечыже уло шӱм дене Юмым сӧрвалена.

11Юмо, мемнан Ачана, Шкеже да Господьна Иисус Христос тек мыланна тендан деке корным почеш.12Тек Господь тыланда икте-весе деке да чыла еҥ деке йӧратымашым шукырак да шукырак пуэн шога. Кузе ме тендам йӧратена, тек тендан йӧратымашдам тугайымак ышта13да тидын дене тендан шӱмдам пеҥгыдемда. Тыге мемнан Господьна Иисус Христос чыла святойжо дене толмо годым те Юмо, мемнан Ачана, ончылно шылталаш амалым огыда пу да святой лийыда. Аминь.


предыдущая глава Глава 3 следующая глава