Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ФЕССАЛОНИКЫШТЕ ИЛЫШЕ-ВЛАКЛАН КОЛТЫМО ИКЫМШЕ СЕРЫШЫЖЕ

Глава 1

1 Саламлымаш. 2-10 Фессалоникысе ӱшаныше-влакын илышышт.

1Павел, Силуан да Тимофей деч Юмо Ача да Господь Иисус Христос дене ушнен шогышо Фессалоникысе черкылан.

Мемнан Юмо Ачана да Господь Иисус Христос деч тыланда порылык да тыныслык лийже.

2Кумалмына годым эре тендам шарнена, чыланда верч Юмылан таум ыштена.3Ӱшанымылан кӧра ыштыме пашадам, йӧратымылан кӧра тыршымыдам да мемнан Господьна Иисус Христослан ӱшаным пыштыме гыч лекше чытымыдам ме Юмына, Ачана, ончылно шарнен шогена.4Юмын йӧратыме иза-шольына-влак, Тудын тендам ойырен налмыжым палена,5вет каласкалыме Поро Уверна мут дене веле огыл, а кугу куат, Святой Шӱлыш да тӱрыс ӱшанымаш дене тендан деке миен шуын. Коклаштыда тыланда кӧра могай лиймынам шкеат паледа.6Те мемнан семын да Господь семын ыштыше лийында; пеш чот индыралтында гынат, Поро Уверым Святой Шӱлыш деч лекше куан дене шӱмышкыда пыштенда.7Тыгеракын, Македонийыште да Ахаийыште ӱшаныше чыла еҥлан корным ончыктенда.8Господьын шомакше Македонийыште да Ахаийыште веле огыл тендан деч йоҥгалтын, а Юмылан ӱшанымыда нерген увер чыла вере шарлен. Мыланна тыгеже нимом каласкалыме ок кӱл,9вет нуно шке мемнан нерген каласкалат, тендан деке кузе мийымына да шояк юмо-влак деч кузе кораҥмыда нерген ойлат: те илыше, чын Юмылан служитлаш тӱҥалында;10Тудын колымаш гыч ылыжтыме Иисус Эргыжын пылпомыш гыч толмыжым вучеда, Тудыжо мемнам Юмын толшаш шыдыже деч утара.


предыдущая глава Глава 1 следующая глава