Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ

Глава 2

6-15 Христос дене у илыш. 16-23 Кӱлдымӧ чарымаш деч эрык.

1Тендан верч, Лаодикийыште да Иерапольышто илыше-влак верч да кӧ мыйын чурием ужынжат огыл, чылашт верч кузе чот мылам кучедалаш логалеш, те палыза шонем.2Чыланыштын шӱмышт кумылаҥже да чыланат йӧратымаш дене ушнышт, умылымашын уло поянлыкышкыже да тичмашлыкышкыже, Ача Юмын да Христосын тайныштым палымашке шуышт манын тыршем.3Уш-акылын да шинчымашын чыла поянлыкше Христос дене уждымын саклалтеш.4Тендам нигӧат ласка мут дене ынже ондале манын, мый тидым ойлем.5Вет капем дене тендан пелен омыл гынат, чонем дене тендан пеленак улам да, шот дене илымыдам да Христослан пеҥгыдын ӱшанымыдам ужын, куанем.

6Тыгеже Христос Иисусым, Господьым, шӱмышкыда пуртенда гын, Тудын дене ушнен илыза.7Тендам туныктымо семын Христосеш вожаҥза, Тудын дене ушнен, шке илышдам чоҥыза, ӱшанымаш дене пеҥгыдемза. Тек тендан тауштымыда лыҥ лиеш.8[Иза-шольо-влак,] Христосеш огыл, а айдеме туныктымашеш да сандалыкысе тӱрлӧ пӱртӱс виеш негызлалтше, ушанла койшо туныктымаш да кӱлдымӧ ондалымаш дене нигӧ тендам ынже авалте манын шекланыза.9Христосын айдеме капыштыже Юмын уло тичмашлыкше ила.10Христос дене ушнен, теат тичмашлыкыш шуында, Тудыжо – уло вуйлатымашын да властьын вуйжо.11Тудын дене ушнымаште те пӱчмашым эртенда, но тиде айдеме кид дене ыштыме пӱчмаш огыл, а пуйто айдемын языкан кап ден чон кумылжым кудаш налмаш. Тыгай пӱчмашым Христос ышта.12Тынеш пуртымо гоч Тудын дене пырля тойымо лийында, тынеш пуртымо гочак Тудым колымаш гыч ылыжтыше Юмын куатшылан ӱшанымылан кӧра Тудын дене пырляк ылыж кынелында.13Тендам, ондакшым сулыкланда да пӱчдымӧ улмыланда колышо-влакым, Христос дене пырля Юмо илышым ыштен. Тудо мемнан чыла сулыкнам касарен,14мемнан ваштареш возымо кагазым туныктымаш дене ӱштыл шуэн, ыресеш пудален кораҥден.15Тидын дене вуйлатымашын да властьын вийыштым поген налын, нуным чылан ончылно намысыш пуртен да ырес дене нуным чапланен сеҥен.

16Тыгеже мом кочмылан але йӱмылан, але иктаж-могай пайремым, у тылзым але шуматкечым палемдымылан тендам тек нигӧ ок титакле.17Тиде – мо лийшашын ӱмылжӧ веле, а кап – Христосын.18Кӧ еҥ ончылно ӱҥышыла кояш тӧча, Суксылан кумалмым йӧрата да уждымо кончымашыж дене кугешнылеш, тыгай-влак кокла гыч тендам нигӧ ынже ондале. Айдеме ушышт дене нуно арам моктанат,19вуй дене – Христос дене – кылышт уке, а Христосшо уло капым йыжыҥ да шӧн-влак дене уша, Юмын шонымыж почеш кушта.

20-21Тыгеракын, те Христос дене пырля колен улыда да тӱнясе тӱрлӧ пӱртӱс вий деч утленда гын, тугеже, молан тиде тӱнясе семын «Ит тӱкнӧ», «Ит коч», «Ит тӱкале» манын кӱштымым шуктеда?22Мо нерген тыге ойлат, чыла тиде кучылтмо дене пыта. Тыгай чарымаш – айдемын кӱштымыжӧ да туныктымыжо веле.23Шке семын служитлымаш, шояк ӱҥышылык да капым индырымаш – чылажат ушанла коймаш гына, кап ден чонын йодмыштым шотыш налдымаш гына.


*а 2:17 «Кап»: грекла возымым «Мо чынжымак уло» манынат умылаш лиеш.

предыдущая глава Глава 2 следующая глава