Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ

Глава 1

1-3 Саламлымаш. 4-14 Колоссысо черке верч Юмылан тауштен кумалмаш. 15-23 Христосын кӧ улмыжо да пашаже нерген. 24– 2:5 Черкылан Павелын ыштымыже.

1Юмын эрыкше почеш Иисус Христосын Апостолжо лийше Павел ден Тимофей иза деч2Христос Иисус дене ушнен шогышо, Колоссышто улшо святой да ӱшанле иза-шольо-влаклан.

3Юмо Ачана да Господь Иисус Христос деч тыланда порылык да тыныслык лийже.

Тендан верч кумалмына годым мемнан Господьна Иисус Христосын Юмыжлан да Ачажлан эре тауштена:4Христос Иисуслан ӱшанымыда да чыла святой еҥым йӧратымыда нерген колынна.5-6Ӱшанен вучымыдам тыланда пылпомышто ямдылыме, тидым пален, ӱшанеда да йӧратеда. Мом ӱшанен вучеда, тудын нерген те тӱҥалтыштак чын шомакыште, тендан деке шушо Поро Уверыште, колында. Поро Увер еҥ-влак деке тӱня мучко шуэш, саскам пуа, шарла, да Юмын порылыкшо нерген колмо, тиде порылык чынжымак могай улмо нерген пален налме кече деч вара тендан денат тугак лийын –7Юмын порылыкшо нерген те мемнан дене пырля пашам ыштыше да тендан верч Христослан ӱшанлын служитлыше йӧратыме Епафрас деч пален налында.8Тудак чоныштыда могай йӧратымашым Шӱлыш шочыктымо нерген мыланна увертарен.

9Теве молан меат чыла тидын нерген колмо кече гычак тендан верч кумалмым огына чарне, да Юмо тыланда шке эрыкшым Шӱлыш деч налме чыла уш-акыл да умылымаш дене тӱрыснек пален налаш полшыжо манын, эре йодына.10Те Юмылан келшыше илыш дене илыза, чыла шотыштат Тудлан йӧрышын ыштен, чыла тӱрлӧ порым ыштыме дене саскам кондыза да Юмым палымаште кушкын толза манын, Юмым сӧрвалена.11Тек Тудын чапшын чыла вийже да куатше тендам пеҥгыдемда, тунам те эре чыла чытыше да куаныше лийыда12да святой-влаклан ямдылыме наследствым волгыдо Кугыжанышыште налаш мемнам ӱжшӧ Ача Юмылан таушташ тӱҥалыда.13Тудо мемнам пычкемышын властьше деч утарен да йӧратыме Эргыжын Кугыжанышкыже кусарен.14Тудын Вӱржӧ дене мемнам сулен налме, Тудын гоч мемнан языкнам кудалтыме.

15Христос – койдымо Юмын тӱсшӧ, Юмын ыштыме тӱня деч ончыч шочшо,16вет пылпомышто, мландӱмбалне мо уло – мо коеш, мо ок кой, – чыла Тудын гоч ышталтын: престолат, озаланымашат, вуйлатымашат, властят. Чылажымат Тудын гоч да Тудлан ыштыме.17Тудо чыла деч ончыч лийын, да Тудын дене чылажат радамлалтын шога.18Тудо – капын, вес семынже Черкын, вуйжо. Тудо – тӱҥалтыш. Чыла шотыштат икымше лийже манын, колымаш гыч ылыжше кокла гыч эн ончычсо.19-20Чыла тичмашлык Тудын дене лийже манын, Тудын гоч Юмо Шкеж ден чыла улшо коклаште сӧрасымашым ышташ, мо мландӱмбалне да пылпомышто уло, чылаж денат Тудын ыресеш йоктарыме Вӱржӧ дене тыныслыкым ышташ шке порылыкшо дене сайлан шотлен.

21Теат ондак Юмо деч тораште шогенда, те шке шӱмыштыда Тудын тушманже лийында, осал пашам ыштенда.22Шке ончыланже тендам святойым, арум да шылталаш лийдымым шогалташ манын, Христосын айдеме кап дене колымыж гоч Юмо тендан дене ынде тыныслыкым ыштен.23Ӱшанымашын негызыштыже чоткыдын шогыза, тендан колмо Поро Увердан пуымо ончыкылык ӱшан деч ида кораҥ. Поро Уверым Юмын ыштыме уло тӱнялан увертарыме, да мый, Павел, тудлан служитлыше лийынам.

24Тендан верч орланымемлан ынде куанем. Христосын йӧсланымаштыже мо але ок сите, тудым мый шке капем дене Тудын Капше верч темем, а Тудын Капше – Черке.25Юмо эрыкше почеш шке шомакшым тыланда тӱрыс увертарыме пашам мылам ӱшанен пуэн, да мый Черкын служитлышыже лийынам.26Юмын шомакше тукым гыч тукымыш курымла дене шылтыме тайне ыле, а ынде святойжо-влаклан почмо.27Нунылан Юмо чын Юмым палыдыме-влак коклаште тиде тайнын уло поянлыкшым да чапшым палдарынеже улмаш. Тайныже тыгай: тендан дене Христос, Тудо – чапым ӱшанен вучымаш.28Кажне еҥым нимогай ситыдымаш деч посна Христос Иисус дене ушнымаште Юмын ончыко шогалташ манын, уло уш-акыл дене чыла еҥлан каҥашым пуэн да чыла еҥым туныктен, ме Тудын нерген увертарена.29Тидлан кӧра мый Тудын пуымо вийже дене ыштем да тыршем, тиде вийже мыйын кӧргыштем ила.


*а 1:1 Эрык – воля, желание.

*б 1:9 Эрык – воля, желание.

*в 1:16 Тыште Суксо чин нерген ойлалтеш.

*г 1:25 Эрык – воля, желание.

предыдущая глава Глава 1 следующая глава