Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ГАЛАТ-ВЛАКЛАН КОЛТЫМО СЕРЫШЫЖЕ

Глава 6

1-10 Неле годым икте-весылан полшыза. 11-18 Чеверласыме шомак.

1Иза-шольо-влак, айдеме иктаж-могай сулыкыш пура гын, те, Шӱлыш почеш илыше-влак, тыгай еҥым тыматлын тӧрлатыза, но шкеат алгаштаралташ огыл манын шекланыза.2Икте-весыдан нелылыкым нумалза, тыге те Христосын законжым шуктеда.3Кӧ, нимо огыл гынат, шкенжым ала-кӧлан шотла, тудо шкенжым шке ондала.4Тек кажне шке пашажым терга, тунам моктымашыже весын пашажлан огыл, а шкенжынлан гына лиеш.5Кажне шке нумалтышыжым наҥгайышаш.

6Кӧм Юмын шомаклан туныктымо, тудо шкенжын мо сай улыж гыч ужашыжым туныктышыжлан пуышаш.7Йоҥылыш ида лий: Юмо вурсалтмашке ок лек. Айдеме мом ӱда, тудымак тӱредеш.8Шкенжын кап ден чонышкыжо ӱдышӧ – кап ден чон дечак пытымашым тӱредеш, а Шӱлышыш ӱдышӧ – Шӱлыш деч курымашлык илышым тӱредеш.9Порым ышташ мыланна нойыман огыл, огына лушко гын, шке жапыштыже лектышыжым тӱредына.10Тугеже, але жапна улмо годым чылалан, поснак ӱшанымаш гоч мыланна иза-шольо ден ака-шӱжар лийше-влаклан, порым ыштышаш улына.

11Ончалза, мыняр шуко мый тыланда шке кидем дене возем.12Кап дене моктанаш шонышо-влак тендам пӱчмӧ йӱлам шукташ ӧкымлат. Христосын ыресшылан верч шыгыремдыме лияш огыл манын, нуно тидым ыштат.13Пӱчмӧ йӱлам кучышо-шамыч шкештат законым огыт шукто, но нуно, тыланда мом ыштыме дене моктанаш манын, те пӱчмашым эртыза шонат.

14А мый мемнан Господьна Иисус Христосын ыресше деч моло дене нимо денат ынем моктане, тудын дене мылам уло тӱням пудалыме, а мый тӱнялан пудалыме улам.15Христос Иисус дене ушнен шогымаште пӱчмашат, пӱчдымашат нимом ок шого, а тиде веле: Юмын уэмдыме айдеме.16Кӧмыт тиде ойым шукташ тӱҥалыт, нунылан да Юмын Израильжылан тыныслык да порылык лийже!

17Ончыкыжым тек мыланем нигӧ нелым ок ыште, вет мый Господь Иисусын сусыржым шке капыштем нумалам.

18Иза-шольо-влак, мемнан Господьна Иисус Христосын порылыкшо тек тендан шӱм-чон шӱлышда дене лиеш. Аминь.


предыдущая глава Глава 6 следующая глава