Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОРИНФЯН-ВЛАКЛАН КОЛТЫМО КОКЫМШО СЕРЫШЫЖЕ

Глава 13

1-10 Шижтарымаш-влак. 11-13 Чеверласымаш.

1Ынде кумшо гана тендан деке мием. «Кажне шомак кок але кум таныклышын ойлымыж дене пеҥгыдемдалтшаш.»2Кунам тендан дене кокымшо гана лийынам, ондак языкым ыштыше-влакым да чыла молыштымат мый шижтаренам, тыгак кызытат, уке улмем годым, возем: кунам мый угыч толам, тендам чаманаш ом тӱҥал,3вет Христос мыйын гоч ойла мо манын, те пеҥгыдемдымашым налнеда. Христос тыланда вийдыме огыл, а тендан коклаште виян.4Вет Тудо вийдымылыкыште ыресеш пудалыме лийын гынат, Юмын куатше дене ила. Меат Христос дене ушнымаште вийдыме улына, но Христос дене пырля Юмын куатше дене тыланда илена.

5Ӱшаныше улыда мо, шкендам шке тергыза, шкендам шке шымлыза. Иисус Христос тендан дене ушнен шога манын, але те шкендам шке огыда пале? Але те тергымашым чытен кертын огыдал?6Мемнан тергымашым чытен кертмынам те пален налыда манын, мый ӱшанен вучем.7Те нимогай осалым ида ыште манын, Юмым сӧрвалена. Тергымашым эртен кертмынам ончыкташ огыл, а – тудым эртен кертдымыла койына гынат – те порым ыштыза манын, тыге кумалына.8Ме чын ваштареш нимом ыштен огына керт, а чын верч веле кертына.9Кунам ме вийдыме, а те виян улыда, ме куанена. Тидын нергенак, саеммашда нерген, ме кумалына.10Господь мылам властьым пуэн гынат, тендан деке мийымекем, чот пеҥгыде ынем лий, сандене мый тидым тендан дене уке улмем годым возем, вет тиде властьым тендам шалаташ огыл, а пеҥгыдемдаш пуымо.

11Икманаш, иза-шольо-влак: куаныза, саемза, икте-весыдам кумылаҥдыза, икоян лийза, келшен илыза, тунам йӧратымашым да тыныслыкым пуышо Юмо тендан дене лиеш.12Икте-весыдам святой шупшалмаш дене саламлыза. Святой-влак чылан тыланда саламым колтат.

13Господь Иисус Христосын порылыкшо, Юмын йӧратымашыже да Святой Шӱлыш дене ушнымаш чыландан дене лийже. Аминь.


*а 13:1 Втор 19:15.

предыдущая глава Глава 13 следующая глава