Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОРИНФЯН-ВЛАКЛАН КОЛТЫМО КОКЫМШО СЕРЫШЫЖЕ

Глава 3

1-18 У сугыньлан Павелын служитлымыже.

1Ме угыч шкенам шке палдараш тӱҥалына мо? Южо еҥ семын ала мыланнат темлыме серыш-влак тыланда але тендан деч кӱлыт?2Уке, те шке мемнан серышна улыда, тудым шӱмешна возымо, тудым чыла еҥ пален да лудын кертеш.3Христосын серышыже улмыдам шкеак ончыктеда. Тудым мемнан служитлыме пашана дене серыме, чия дене огыл, а илыше Юмын Шӱлышыж дене возымо, кӱ оҥаш огыл, а айдемын шӱм оҥашыже серыме.

4Юмылан тыгай ӱшанымашна Христослан кӧра мемнан уло.5Туге гынат ме нимом шкенан ыштымына манын шотлен огына керт, а мемнан моштымашна Юмо деч.6Тудо мемнам У Сугыньын служитлышыже лияш моштышым ыштен. Ме законысо букван служитлышыже огыл, а Шӱлышын служитлышыже улына, вет законысо буква колымашке шукта, а Шӱлыш илышым пуа.

7Кӱэш возымо да колымашым кондышо буквалан служитлыме пашат чапланен, да Израиль эрге-влак Моисейын чурийышкыже ончен кертын огытыл, вет тудын чурийже йолгалтын – а тиде чапше пытышаш улмаш.8Шӱлышлан служитлыме паша утларак чапланыше ок лий мо?9Титаканыш лукмылан служитлыме паша чапланен гын, чыныш лукмылан служитлыме паша утларак чаплана.10Тудын чапше тугай кугу, ондак чапланыше пашаже тудын дене таҥастарымаште чапланышыла ок кой.11Вет пытышашыже чапланен толын гын, тугеже курымашлыкше шуко пачаш виян чаплана.

12Тыгеракын, тыгай ӱшанен вучымашна уло гын, ме калык ончылно лӱдде ойлена.13Пытышашын мучашыжым Израиль эрге-влак ынышт ончо манын, Моисей чурийжым леведын, а ме тыге огына ыште.14Но Израиль калыкын ушыжо кӱэмалтын. Тошто сугыньын возымыжым лудмо годым таче кече мартеат саде леведышак кораҥдыде кодеш, вет Христос дене ушнымаште веле тудо кораҥдалтеш.15Моисейын законжым лудмо годым леведыш таче мартеат нунын шӱмышт ӱмбалне кия.16Но кунам Господь велке савырнат, леведыш налалтеш.17Господь – тиде Шӱлыш, а кушто Господьын Шӱлышыжӧ уло, тушто эрык лиеш.18А мемнан шӱргыштына леведыш уке. Ме чылан Господьын чапшым пуйто воштончыш гоч ончена, Тудын гай лияш манын, чап гыч чапыш вашталтына; тыге мемнам Господьын Шӱлышыжӧ вашталта.


*а 3:18 «Господьын Шӱлышыжӧ»: грек шомакым тыгеат кусараш лиеш: «Господь, Шӱлыш,».

предыдущая глава Глава 3 следующая глава