Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОРИНФЯН-ВЛАКЛАН КОЛТЫМО ИКЫМШЕ СЕРЫШЫЖЕ

Глава 13

1-13 Йӧратымаш.

1Мый айдеме да суксо йылме дене ойлем гынат, но йӧратымашем уке гын, тугеже йоҥгышо той семӱзгар але шергылтше кимвал веле улам.2Лийын кертеш, мыйын пророкла ойлен моштымашем уло, чыла тайным палем да мыйын чыла шинчымашем уло, лийын кертеш, курык-влакым вашталтен шындаш ситыше ӱшанымашем уло, но йӧратымашем уке гын, тугеже мый нимо омыл.3Мый уло погем пуэден пытарем да капем йӱлалташ пуэм гынат, но йӧратымашем уке гын, тыште мылам нимогай пайда уке.

4Йӧратымаш кужун чытыше да поро, йӧратымаш ок кӧране, йӧратымаш ок моктане, ок кугешне,5торжан ок ыште, шкаланже пайдам ок кычал, ок шыдешке, осалым шарнен ок иле,6чын огыллан ок куане, а чынлан йывырта,7чыла леведеш, чылалан ӱшана да ӱшанен вуча, чыла чыта.

8Йӧратымаш нигунам ок пыте, а пророкла ойлымаш чарна, палыдыме йылме дене ойлымаш шыплана, шинчымаш пыта.9Вет мемнан шинчымашна тичмаш огыл да пророкла ойлымашна тичмаш огыл,10а тичмаш толмо годым тичмаш огылжо пыта.11Кунам мый йоча лийынам, йочала ойленам, йоча семын шоненам, йоча семын ушем кучылтынам, а кунам кушкын шуынам, тунам йоча годсо деч кораҥынам.12Кызыт ме пуйто раш огыл тӱсым воштончышышто ужына, а тунам шинчаваш ончен ужына. Кызыт мый тичмашын огыл палем, а Юмо мыйым палыме семынак тунам тичмашын палаш тӱҥалам.13А тыгеже нине кумыт эре лийыт: ӱшанымаш, ӱшанен вучымаш, йӧратымаш, но нунын кокла гыч эн кугужо – йӧратымаш.



*а 13:7 «Чылалан»: але «эре».

предыдущая глава Глава 13 следующая глава