Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОРИНФЯН-ВЛАКЛАН КОЛТЫМО ИКЫМШЕ СЕРЫШЫЖЕ

Глава 8

1-13 Шояк юмылан пуымо надыр кочкыш нерген.

1Шояк юмылан пуымо надыр кочкыш нерген ме палена, мемнан чыланнан шинчымашна уло. Но шинчымаш моктанаш тарата, а йӧратымаш чоҥен пеҥгыдемда.2Кӧ шинчымашке шуынам шона, тудо кӱлеш семын але нимом ок пале.3Но кӧ Юмым йӧрата гын, тудлан шинчымашым Юмо пуа.4Тыгеракын, шояк юмылан пуымо надыр кочкышым кочмо нерген ме палена: тӱняште шояк юмо нимом ок шого. Шкет ик Юмо деч моло весе уке.5Вет юмо манме-влак пылпомыштат, мланде ӱмбалнат улыт гынат – тыгай юмо да тыгай оза чынжымак шуко –6
мемнан ик Ача Юмо уло,
чыла улшо – Тудын деч,
меат – Тудлан.
Мемнан ик Господьна – Иисус Христос,
Тудын гоч чыла ыштыме,
меат – Тудын гоч.

7Но тидым чылан огыл палат. Шояк юмо уло манын совестьыштыже шотлышо ӱшаныше южо еҥ надырлан пуымо кочкышым кочмыж годым але мартеат шона: чынжымак, тидыже шояк юмылан пуымо. Тыгай еҥын совестьше вийдыме улмылан кӧра амырга.8Но кочкыш мемнам Юмо деке ок чакемде. Кочкына гынат, нимо ок ешаралт, огына коч гынат, нимом огына йомдаре.9Туге гынат тендан тиде эрыкда вийдыме-влаклан шӱртньымӧ кӱ ынже лий манын шекланыза.10Вет иктаж-кӧ тыйын, шинчымашан айдемын, шояк юмын храмыште кочметым ужеш гын, тудын вийдыме совестьше шояк юмылан пуымо надырым кочкаш ок кумылаҥде мо?11Тыгеже вийдыме шольыч тыйын шинчымашетлан кӧра пыта, а тудын верч Христос колен.12Иза-шольо-влак ваштареш языкым тыге ыштеда да вийдыме совестьыштлан эҥгекым кондеда гын, те Христос ваштареш языкым ыштеда.13Сандене, кочкыш мыйын иза-шольым алгаштаралтмашке шукта гын, шылым нигунам кочкаш ом тӱҥал. Мый иза-шольымым ынем алгаштаре.



*а 8:3 «Тудлан шинчымашым Юмо пуа» – але «тудым Юмо пала».

предыдущая глава Глава 8 следующая глава