Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН КОРИНФЯН-ВЛАКЛАН КОЛТЫМО ИКЫМШЕ СЕРЫШЫЖЕ

Глава 6

1-11 Христиан-влак коклаште суд лончылымаш. 12-20 Айдемын капше – Святой Шӱлышын храмже.

1А кунам тендан кокла гыч иктыжын весе дене тӧрлышаш пашаже уло, кузе тудо чын огыл ыштыше-влак ончылно судитлалташ тоштеш? Молан тидым святой-влак ончылно ок ыште?2Тӱням святой-влак судитлаш тӱҥалыт манын, але те огыда пале? Те тӱням судитлаш тӱҥалыда гын, эн изи пашам судитлаш огыда йӧрӧ мо?3Суксо-влакым судитлышаш улына манын, але те огыда пале? Илышыште лийше пашам судитлен огына керт мо?4А те илышыште лийше пашам суд дене ончымо годым шкендан судьялан черкыште пагалыдыме еҥым шогалтеда.5Тыланда вожылашда ойлем. Але иза-шольо-влак кокласе йодышым тӧрлен кертше ик ушан еҥдат уке?6Но иза-шольо-влак шке коклаштышт судитлалтыт, адакшым тидым Христослан ӱшаныдыме-влак ончылно ыштат!7Шке коклаштыда суд дене тавалымаш улмыжак лӱмдам волта. Молан тыланда осалым ыштымым чытымаш сайрак огыл? Погыдам шупшын налмым чытымаш сайрак огыл мо?8Но те шкеак осалым ыштеда да погым шупшын налыда, иза-шольо-влакынымат!9Чын огыл ыштыше-влак Юмын Кугыжанышын наследникышт огыт лий манын, але те огыда пале? Йоҥылыш ида лий: яжарланышат, шояк юмылан кумалшат, шке пелашыж деч моло дене коштшат, пужлышат, пӧръеҥ дене илыше пӧръеҥат,10ворат, опкынланышат, йӱшат, орлышат, агышат Юмын Кугыжанышын наследникышт огыт лий.11Тендан кокла гычат южышт тыгай лийыныт, но мемнан Господьна Иисус Христосын лӱмжӧ дене да мемнан Юмынан Шӱлышыж дене те мушмо, святитлыме, чыныш лукмо улыда.

12«Кеч-мом ышташ эрыкем уло», но чылаже огыл пайдале. «Кеч-мом ышташ эрыкем уло», но мый нимон кид йымалныже лийшаш омыл.13Кочкыш мӱшкырлан, а мӱшкыр кочкышлан, а Юмо тидыжымат, тудыжымат пытара. Кап яжарланымылан огыл, а Господьлан, Господьшо – каплан.14А Юмо Господьымат колымаш гыч ылыжтен, мемнамат шке куатше дене ылыжта.15Тендан капда Христосын кап ужашыже улмым але те огыда пале? Тугеже, Христосын кап ужашыже-влакым налын, нуным яжар ӱдырамашын кап ужашыжым ыштем мо? Тыге ынже лий.16Яжар ӱдырамаш дене ушнышо тудын дене ик кап лиеш. Тидым огыда пале мо? Вет каласыме:
«Нуно коктын ик кап да чон лийыт».
17А Господь дене ушнышо Тудын дене ик шӱлыш улеш.18Яжарланымаш деч кораҥ коштса. Чыла моло язык, могайым гына айдеме ок ыште, капым ок амырте, а яжарланыше шкенжын капше ваштареш языкым ышта.19Але те огыда пале: тендан капда – тендан дене ушнен илыше да Юмо деч налме Святой Шӱлышын храмже? Те шкендан огыдал,20вет те [шерге ак дене] тӱлен налме улыда, сандене капда денат, чонда денат Юмын чапшым нӧлтыза, нуно Юмын улыт.



*а 6:16 Быт 2:24.

предыдущая глава Глава 6 следующая глава