Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН РИМЛЯН-ВЛАКЛАН КОЛТЫМО СЕРЫШЫЖЕ

Глава 16

1-24 Римын христиан-влакшым саламлымаш.

1Мемнан Фива акана дене тендам палымым ыштынем, тудо Кенхрейысе черкыште полышкала.2Кузе святой-влаклан келшен толеш, туге тудым Господь лӱм дене вашлийза‚ мо тудын ок сите‚ чыла шотыштат полышым пуыза. Тудо шкежат шукылан полшен‚ мыламат полшен.

3Мый денем пырля Христос Иисуслан пашам ыштыше Прискилла ден Акилалан саламым каласыза.4Нуно мыйын чонем верч вуйыштым пышташ ямде лийыныт‚ нунылан мый веле огыл тауштем‚ а чын Юмым палыдыме калык-влак кокла гыч ӱшанаш тӱҥалше-влакын чыла черкыштат таум ыштат. Тыгак нунын пӧртыштӧ погынышо черкылан салам лийже.5Ахаийыште эн ондак Христослан ӱшанаш тӱҥалше йӧратыме Епенет йолташемлан саламым каласыза.6Мыланна кӧра тыршен пашам ыштыше Мариамлан салам лийже.7Мый денем пырля петырымаште лийше, мыйын родо-тукым гыч улшо Андроник ден Юниялан салам лийже. Нуно Апостол-влак коклаште кумдан палыме улыт‚ мый дечем ончыч Христос деке савырненыт.8Господь дене ушнен шогымаште мыйын йӧратыме Амплийлан саламым каласыза.9Христос дене ушнымаште мемнан дене пырля пашам ыштыше Урбанлан да йӧратыме Стахий йолташемлан салам лийже.10Христос дене ушнымаште тергыме Апеллеслан саламым каласыза. Аристовулын мӧҥгысыштлан саламым каласыза.11Мыйын родо-тукым гыч улшо Иродионлан‚ Наркиссын мӧҥгысыж-влак кокла гыч кӧ Господь дене ушнен шога, нунылан саламым каласыза.12Господьлан тыршен пашам ыштыше ӱдырамаш-влак Трифена ден Трифосалан саламым каласыза. Господьлан шуко пашам ыштыше йӧратыме Персидалан саламым каласыза.13Господьын ойырен налме Руфлан да тудын аважлан саламым каласыза, тудо мыламат авам гай.14Асинкритлан‚ Флегонтлан‚ Ермлан‚ Патровлан‚ Ермийлан да нунын дене улшо иза-шольо-влаклан саламым каласыза.15Филологлан‚ Юлиялан‚ Нирейлан да тудын акажлан‚ Олимпанлан да нунын дене улшо чыла святой-влаклан саламым каласыза.16Святой шупшалмаш дене икте-весыдам саламлыза. Христосын черкыже-влак чылан тыланда саламым колтат.

17Иза-шольо-влак‚ сӧрвалем: молан тендам туныктымо, тиде туныктымаш ваштареш кӧмыт шогалыт, шеледылмашым ӱдат да еҥ-влакым алгаштарынешт, нунын деч шекланыза. Нунын деч кораҥ коштса.18Тыгай еҥ-влак мемнан Господьна Иисус Христослан огыл служитлат‚ а шке мӱшкырыштлан тарзыланат. Нуно йӧраш тӧчымӧ, яклака мутышт дене пушкыдо кумылан еҥ-влакым ондалат.19Тендан мут колыштшо улмыдам чылан пален налыныт‚ сандене мый тендан верч куанем‚ да те порылык шотышто ушан, а осаллык шотышто моштыдымо лийза манын шонем.20Тыныслыкым пуышо Юмо вашке тендан йол йымалан сатанам шалата! Господьна Иисус Христосын порылыкшо тендан дене лийже. Аминь.

21Мый денем пырля ыштыше Тимофей‚ тыгак мыйын родо-тукым гыч Луций‚ Иасон да Сосипатр саламым колтат. –22Мыят‚ тиде серышым кагазыш возышо Тертий‚ тендам Господь дене ушнен саламлем. –23Мыйымат, уло черкымат шке суртыштыжо унала вашлийше Гаий тыланда саламым колта. Оласе казнам кучышо Ераст да Кварт иза деч саламым каласыза.24Мемнан Господьна Иисус Христосын порылыкшо чыланда дене лийже. Аминь.


*а 16:7 Родо-тукым: тыште тидым ик калыкынак шочшышт манын умылыман.

предыдущая глава Глава 16 следующая глава