Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН РИМЛЯН-ВЛАКЛАН КОЛТЫМО СЕРЫШЫЖЕ

Глава 14

1-12 Ида судитле. 13-26 Икте-весынам судитлышаш огынал.

1Тӱрлӧ шонымаш шотышто ӱчашыде‚ начар ӱшанымашан еҥым шке коклашкыда налза.2Ӱшанымаш иктылан чыла кочкаш эрыкым пуа‚ весе начар улешат, пакчасаскам веле кочкеш.3Кӧ чыла кочкеш‚ кочдымо ӱмбаке кӱшыч ончышаш огыл‚ да кӧ ок коч‚ кочшым титаканыш лукшаш огыл‚ вет Юмо тудымат шкенжынлан шотла.4Весын тарзыжым титаканыш лукташ кӧ тый улат? Тудо шке Господьшо ончылно шога але йӧрлеш. Но тудо шогалтыме лиеш, вет тудым шогалташ Юмын куатше уло.

5Южо еҥ ик кечым вес кече деч кугураклан шотла, а весылан чыла кече икгай. Тек кажне шке уш виктарымыжлан ӱшана.6Кӧ посна кечым палемда‚ тидым Господьлан ышта. Кӧ посна кечым ок палемде‚ Господьлан ок палемде. Кӧ кочкеш – Господь лӱмеш кочкеш‚ вет тудо Юмылан таум ышта‚ а кӧ ок коч – Господь лӱмеш ок коч‚ тудат Юмылан таум ышта.7Мемнан кокла гыч иктат шкаланже ок иле да шкаланже ок коло.8Ме илена гын‚ Господьлан илена‚ колена гынат‚ Господьланак колена. Илена але колена‚ ме Тудын улына.9Илыше-влакынат, колышо-влакынат Господьышт лияш манынак‚ Христос колен да ылыж кынелын.

10А тый иза-шольычым молан титаканыш луктат? Але тыйже молан иза-шольычым ӱлык шындет? Вет ме чылан Юмын судшо ончылан шогалына.11Возымо:
«Мый илем, – ойла Господь‚ –
да ончыланем кажне пулвуй сукен шичшаш‚
кажне йылме Мыйым Юмо манын чапландарышаш».
12Мемнан кокла гыч кажныже Юмын ончылно шке верчше мутым куча.

13Тыгеракын, ме тылеч вара икте-весым судитлышаш огынал. А ончыза, иза-шольылан шӱртняш але камвозаш амалым ида ыште.14Господь Иисус дене ушнен, мый ӱшанем да сайын палем: шке шот дене ару огыл нимо уке‚ но айдеме иктаж-мом ару огыллан шотла гын‚ тудлан тиде ару огыл.15Иза-шольыч кочкышетлан ойганат гын‚ ынде тый йӧратен от ыште. Кӧн верч Христос колен‚ тудым кочкышет дене ит пытаре.16Мом те сайлан шотледа, тудо ынже вурсалт.17Юмын Кугыжаныш кочкыш-йӱыш огыл‚ а Святой Шӱлыш дене ушнымаште чын ыштымаш‚ тыныслык да куанымаш.18Кӧ Христослан тыге служитла‚ тудо Юмылан келша‚ калыклан пагалаш йӧра.

19Тугеже, мо тыныслыкышке да ваш-ваш пеҥгыдемдымашке наҥгая‚ тудым кычалына.20Кочкышлан лийын‚ Юмын пашажым ида шалате. Чыла кочкыш ару‚ но мо вес еҥым шӱртньымашке конда, айдемылан тугайым кочкаш сай огыл.21Лучо шылым кочкаш огыл‚ аракам йӱаш огыл‚ нимомат тугайым ышташ огыл‚ мо иза-шольым шӱртньымашке конда, алгаштара але вийдымым ышта.22Тиде шотышто тый молан ӱшанет? Юмын ончылно шке шӱмыштет тудым кучо. Кӧ ойырен налмыжлан шкенжым ок судитле‚ тудо пиалан.23Кӧ кочкеш да тиде жапыштак кокыте шона‚ тудо титаканыш лукталтеш‚ вет тудо ӱшанлан ок эҥерте‚ а чыла‚ мо ӱшан почеш огыл – язык.24-25
Мыйын увертарыме,
Иисус Христос нерген каласкалыше
Поро Увер дене
да курым-курымеш ойлыде кодымо,
но ынде, чыла калык ӱшанымаш мутым колыштшо лийже манын,
курымашлык Юмын кӱштымыж почеш
пророк-влакын возымышт гоч палдарыме тайнын
почылтмыж дене
тендам пеҥгыдемден Кертшылан,
26кугу уш-акылан шкет ик Юмылан,
Иисус Христос гоч курым-курымеш чап лийже! Аминь.


*а 14:11 Ис 45:23.

предыдущая глава Глава 14 следующая глава