Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН РИМЛЯН-ВЛАКЛАН КОЛТЫМО СЕРЫШЫЖЕ

Глава 6

1-14 Языклан колышо‚ Христос дене ушнымаште илыше. 15-23 Языкын куллыкшо деч эрык.

1Мом каласена? Юмын порылыкшо кугемже манын‚ мыланна языкеш кодман мо? Уке.2Ме, языклан колышо-влак, кузе эше языкыште илен кертына?3Але огыда пале: ме чылан‚ Христос Иисус дене ушнаш тынеш пурышо-влак‚ Тудын колымашыж деке ушнаш тынеш пуренна?4Тыгеракын, ме Тудын колымашыж деке ушнаш тынеш пурымо дене Христос дене пырля тоялтынна: кузе Христос колымаш гыч Ачан чапше дене ылыж кынелын‚ тугак меат уэмдыме илыш дене илышаш улына.5Ме икгай колымаш дене Тудын деке ушненна гын‚ икгай ылыжмаш денат Тудын деке ушымо лийына.6Ме палена: языкан капым укешке лукташ да мыланна тылеч вара языкын кулжо лияш огыл манын‚ «тошто айдемынам» Христос дене пырля ыресеш пудалыме.7Вет колышо еҥ язык деч эрыкан.8А ме Христос дене пырля коленна гын‚ Тудын дене пырля илашат тӱҥалына манын ӱшанена.9Ме палена: Христос колымаш гыч ылыжын, да Тудо ынде ок коло, Тудын ӱмбалне ынде колымашын вийже уке.10Могай колымаш дене колен‚ языклан ик гана эрелан колен‚ могай илыш дене ила‚ Юмылан ила.11Тыгак теат шкендам языклан колышылан‚ а, мемнан Господьна Иисус Христос дене ушнен, Юмылан илышылан шотлыза.

12Тугеже‚ тек язык тендан колышаш капыштыда ок озалане да сутланымашым колышташ тендам ок ӧкымлӧ.13Шкендан кап ужашда-влакым осалын паша ӱзгарже семын языклан ида пу‚ а, колымаш гыч илышыш кусненда гын, шкендам Юмылан пуыза, кап ужашда-влакым чын ыштымашын паша ӱзгарышт семын Юмылан пуыза.14Язык тендан озада ынже лий‚ вет те закон кид йымалне огыл‚ а Юмын порылыкшо йымалне улыда.

15Тугеже, закон кид йымалне огынал‚ а Юмын порылыкшо йымалне улына гын‚ языкым ышташ тӱҥалына мо? Уке.16Огыда пале мо: кӧлан те шкендам кул семын колышташ пуэда‚ тудынак кулжо улыда? Те але языкым колыштыда‚ тидыже колымашке наҥгая‚ але Юмым колыштыда‚ тидыже чыныш лекмашке наҥгая.17Те ондак языкын кулжо лийында, но, Юмылан тау‚ тендам могай туныктымашым колышташ пуымо, тугайым уло шӱм дене кызыт колышташ тӱҥалында.18Язык дечын эрыкыш лукталтмеке‚ те чын ыштымын тарзыже лийында.

19Те чыла еҥ гай начар улыда, сандене тыланда айдемын шонымыж семын ойлем. Кузе те ондак кап ужашда-влакым тӱрлӧ осал пашам ышташ амырчыклан да закондымылыклан кулыш пуэнда‚ тугак, святой лияш манын, нуным ынде чын ыштымылан служитлаш пуыза.20Кунам те языкын кулжо лийында‚ чын ыштыме деч эрыкан лийында.21Тунам те могай саскам налында? Тугайым, могайже деч ынде вожылыда‚ вет тудын мучашыже – колымаш.22А кызыт, язык деч эрыкыш лукталтмеке да Юмын тарзыже лиймеке‚ святой илышыш наҥгайыше саскада уло, тудын мучашыже – курымашлык илыш.23Вет языкын акше – колымаш‚ а Юмын поро пӧлекше – Господьна Иисус Христос пелен налме курымашлык илыш.


*а 6:6 «Языкан кап»: грекла ’языкын капше’, тидым ’языкан улмынам’ манын умылыман.

предыдущая глава Глава 6 следующая глава