Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН РИМЛЯН-ВЛАКЛАН КОЛТЫМО СЕРЫШЫЖЕ

Глава 4

1-12 Авраамым чынышке мо луктын? 13-25 Ӱшанымаш да Юмын сӧрымыжӧ.

1Тугеже Авраам ачана нерген ме мом каласен кертына? Айдемыла тыршымыж дене тудо кушко шуын?2Авраам шке пашаж дене чыныш лукталтын гын‚ моктанен кертеш, но Юмын ончылно огыл.3Возымаш мом ойла? «Авраам Юмылан ӱшанен‚ сандене Юмо тудым чын ыштышылан шотлен».4Пашам ыштышылан тӱлымаш порылык дене пуымо пӧлек огыл, а пашадарым тудо сулен налеш.5Но кӧ пашам ок ыште‚ а языкан-влакым чыныш лукшо Юмылан ӱшана‚ тудо тиде ӱшанымашыжлан кӧра чын ыштышылан шотлалтеш.6Кӧм Юмо‚ пашажым ончыде‚ чын ыштышылан шотла‚ тыгайым Давидат поро пиалан манеш:7
«Кӧн закондымылыкшым Юмо кудалтен
да кӧн языкшым петырен‚ тудо поро пиалан.
8Кӧлан Юмо языкым ок шотло‚ тудо еҥ поро пиалан».
9Поро пиалан манмыже пӱчман-влаклан веле мо, але пӱчдымӧ-влакланат? Ме ойлена: «Ӱшанымыжлан кӧра Авраам чын ыштышылан шотлымо лийын».10А кунам тиде лийын? Пӱчмӧ йӱлам ыштымеке але пӱчмӧ деч ончыч? Пӱчмӧ йӱлам ыштымеке огыл‚ а пӱчмӧ дечын ончыч.11Авраам пӱчдымӧ лиймыж годымак ӱшанымыжлан кӧра чын ыштыше улмаш, тидым ончыкташ манын, тудо пӱчмаш палым налын. Тыгеракын, ӱшаныше, но пӱчдымӧ еҥ-влакат чын ыштышылан шотлалтышт манын‚ Авраам нунылан чылаштланат ача.12Тудо пӱчман-влакланат ача‚ но чылаштлан огыл, а ӱшанымаш дене илыше пӱчман-влаклан, Авраамын пӱчмӧ деч ончычак ӱшанымыж семын ӱшаныше-влаклан.

13Тӱнян наследникше лияш сӧрымаш Авраамлан да тудын тукымжылан закон гоч пуалтын огыл. Авраам ӱшанен, санденак Юмо тудым чын ыштышылан шотлен да сӧрымашым пуэн.14Законлан эҥертыше-влак наследник лийыт гын‚ ӱшанымаш укешке лектын да сӧрымын вийже йомын.15Закон Юмын шыдыжым луктеш‚ а кушто закон уке‚ тушто законым пудыртымашат уке.

16-17Сӧрымаш Юмын порылыкшылан кӧра лийже манын, тудо айдемын ӱшанымашешыже негызлалтеш. Тыгеже сӧрымаш Авраамын уло тукымжылан пеҥгыде лиеш: законлан эҥертыше-влаклан веле огыл‚ но Авраамын ӱшанымашыжлан эҥертыше-влакланат. Возымо семын Авраам чылаланна ача: «Мый тыйым шуко калыкын ачажым ыштенам». Авраам Юмылан ӱшанен да Тудын ончылно мыланна ача лийын, а Юмо колышо-влаклан илышым пуа‚ лийдымым лиймашке ӱжеш.

18Ӱшанен вучымаш шукталт ок кертла чучын гынат‚ Авраам инанен да ӱшанен‚ тидын дене «шуко калыкын ачаже» лийын. Тыгеракын, «Тыйын тукымет тунар шуко лиеш» манын каласыме шукталтын.19Авраамлан шӱдӧ ий наре лийын‚ капшат лывыжген‚ Сарранат кӧргыжӧ лывыжген. Чыла тидым ужын гынат, ӱшанымашыже иземын огыл.20Юмын сӧрымӧ шотышто Авраам кокытеланен огыл, ӱшаным йомдарен огыл‚ а ӱшанымаш тудым пеҥгыдемден. Авраам Юмым чапландарен,21Юмын шке сӧрымыжым шукташ куатше уло манын‚ пеҥгыдын ӱшанен‚22санденак Юмо тудым чын ыштышылан шотлен.

23-24«Чын ыштышылан шотлен» манме шомак тудын шотышто веле огыл‚ а мемнан шотыштат серыме. Меат, Господьна Иисус [Христосым] колымаш гыч Ылыжтышылан ӱшаныше-влак, чын ыштышылан шотлалташ тӱҥалына.25Мемнан сулыкланна кӧра Иисусым пушташ пуымо, мемнам чыныш лукташ манын, Тудо ылыж кынелын.


*а 4:3 Быт 15:6.

*б 4:7-8 Пс 31:1-2.

*в 4:18 Быт 15:5.

предыдущая глава Глава 4 следующая глава