Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН РИМЛЯН-ВЛАКЛАН КОЛТЫМО СЕРЫШЫЖЕ

Глава 2

1-16 Юмын чын судшо. 17– 3:8 Закон да иудей-влак.

1Титаканыш лукшо айдеме‚ кеч-кӧ тый лий‚ шкендым нигузе чыныш луктын от керт: весым титаканлан шотлымет годым шкендымат титаканыш луктат‚ вет тый‚ весым титаканыш лукшо‚ шкежат тудымак ыштет.2Юмо тыге ыштышым чынжымак титаканыш луктеш манын‚ ме палена.3Тый‚ тыге ыштышым титаканыш лукшо да шкежат тыгак ыштыше айдеме‚ Юмын судшо дечын утлен кодын кертам, шонет?4Але тый Тудын кугу порылыкшым, чаманымыжым да кужун чытымыжым от шотло? Юмын порылыкшо тыйым, языкетым касарыктен, Юмо деке савырынеже манын от пале мо?5Но тый ӱскырт улат, шӱмет язык деч ынеже кораҥ, сандене тый Юмын шыде кечыжлан шке ӱмбакет Тудын шыдыжым погет‚ тиде кечын Юмын чын судшо почылтын толеш‚6да Юмо кажнылан пашаж почеш тӱла:7кӧ‚ чарныде поро пашам ыштен‚ чапым‚ пагалымашым‚ колыдымашым кычалеш, тудлан курымашлык илышым пуа‚8а шкаланже пайдам кычалшылан‚ чыным колыштдымо‚ но чын огылым колыштшылан кугу шыдым пуа.9Осалым ыштыше кажне айдемылан нелылык да орланымаш лиеш‚ – ондак иудейлан‚ вара эллинлан.10Но порым ыштыше кажне айдемылан чап‚ пагалымаш да тыныслык лиеш‚ – ондак иудейлан‚ вара эллинлан.11Юмо чыла еҥым ик семын онча.

12Кӧмыт закон деч посна языкым ыштат‚ нуно закон деч поснак пытат. А кӧмытын законышт уло да языкым ыштат‚ нуно закон дене судитлыме лийыт.13Вет законым колыштшо-влак огыл‚ а тудым шуктен шогышо-влак Юмын ончылно чыныш лукмо лийыт. –14Чын Юмым палыдыме-влак закондымо улыт гынат‚ закон кӱштымым шӱм-чон шупшмышт денак шуктен шогат гын‚ законышт уке гынат, нуно шкаланышт шке закон улыт:15нуно законын йодмыжо шӱмешышт возалтын манын ончыктат, тидын нерген тыгак совестьышт палдара, да тӱрлӧ шонымашышт нуным але титакла, але арала. –16Чылажат тудо кечын лиеш‚ кунам Юмо еҥ-влакын шӱм шылтымыштым, мыйын каласкалыме Поро Увер дене келшышын, Иисус Христос гоч судитла.

17Теве тый иудей маналтат‚ законлан эҥертет да Юмо дене моктанет‚18законын туныктымыж дене тый Юмын эрыкшым палет‚ мо эн сай – умылет.19Сокырым вӱден коштшо‚ пычкемыште коштшо-влаклан волгыдо улам манын, тый ӱшанет‚20умылыдымо-влаклан илыш корныш лукшо, кушкын шудымо-влаклан туныктышо улам, шонет‚ вет законышто шинчымаш ден чыным тичмашын ужам манын ӱшанет.21Тый, весым туныктышо, шкендым от туныкто мо?22«Ит шолышт» манын ойлет‚ а шкеже шолыштат? «Ит яжарлане» манше, яжарланет? Шояк юмо-влак деч йырныше‚ але нунын пӧртыштым агет?23Тый, закон дене моктаныше‚ законым пудыртылмет дене Юмым чапшым волтет!24Возымо семын
«Тыланда кӧра Юмын лӱмжӧ чын Юмым палыдыме-влак коклаште мыскылалтеш».

25Законым шуктен шогет гын, пӱчмаш пайдам пуа‚ а тый законым пудыртылат гын‚ пӱчмашет пӱчдымӧ улмо дене иктак.26Тыгеже‚ пӱчдымӧ еҥ законын кӱштымыжым шуктен шога гын‚ тудын пӱчдымӧ улмыжо пӱчмашлан ок шотлалт мо?27Возымо законет да пӱчмашет уло гынат‚ законым пудыртылат гын‚ пӱчдымӧ‚ но законым шуктышо еҥ тыйым титаканыш луктеш.28Тудо огыл иудей‚ кӧ тӱжвач ончымаште иудей‚ пӱчмашат тудо огыл, мо капыште коеш‚29но тудо иудей‚ кӧ кӧргӧ чонжо дене иудей, да чын пӱчмашат тудо веле, могайым законын букваже огыл‚ а Шӱлыш айдемын шӱм-чоныштыжо ышта. Тыгай еҥлан моктымаш айдеме деч огыл‚ а Юмо деч.


*а 2:18 Эрык – воля, желание.

*б 2:24 Ис 52:5.

предыдущая глава Глава 2 следующая глава