Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ИОАНН БОГОСЛОВЫН УЛО ЧЕРКЫЛАН КОЛТЫМО КУМШО СЕРЫШЫЖЕ

Глава 1

1-4 Саламлымаш. 5-8 Гаийым моктымаш. 9-12 Диотреф ден Димитрий. 13-15 Чеверласымаш.

1Старец – йӧратыме Гаийлан.

Тудым мый чынже денак йӧратем.

2Йӧратымем, кузе кӧргӧ чонет сеҥымашке шуэш, тугак тый чыла шотыштат сеҥымашке шу да таза лий манын, кумалам.3Кунам иза-шольо-влак толыныт, тыйын чынлан ӱшанле улмет, чын почеш илымет нерген таныклен ойленыт, да мый пешак куанышым.4Икшывем-влак чын почеш илат манын колам гын, тидын деч кугу куан мылам уке.

5Йӧратымем, иза-шольо-влаклан, йот вел гыч толшо-влакланат тый мом шуктет, чылажымат ӱшанле еҥ семын ыштет.6Нуно тыйын йӧратымет нерген черке погынымаш ончылно таныкленыт. Нунылан корныш ямдылалташ Юмылан келшышын полшет гын, тый поро пашам ыштет.7Вет Юмым палыдыме-влак деч нимом налде, нуно Христосын лӱмжылан кӧра корнышко лектыныт.8Мыланна нунын дене пырля чынлан ыштыше лияш манын, ме тыгай-влаклан полшышаш улына.

9Мый черкылан возенам, но тушто ончылно лияш йӧратыше Диотреф мемнам ок вашлий.10Сандене, мый мием гын, могай пашам ыштымыжым шарныктем. Тудо мемнан нерген уда ойым шаркала да тидын дене ок серлаге: шкеже иза-шольо-влакым ок вашлий, вашлияш шонышо-влаклан чаракым шындылеш да черке гыч поктылеш.

11Йӧратымем, осал семын огыл, а поро семын ыште. Кӧ порым ышта, тудо Юмо деч, а кӧ осалым ышта – Юмым ужын огыл.12Димитрий нерген чыланат, чын шкежат, порым гына ойлат. Меат тыгак таныклена, мемнан таныклымынан чын улмыжым те паледа.

13Возышашем шуко уло, но чия да омыж вурго дене возымем ок шу.14Тыйым вашке ужам манын, ӱшанен вучем, тунам ме, ваш шинчын, мутланен кертына.15Тыланет тыныслык лийже. Йолташна-влак тыланет саламым колтат. Йолташна-влаклан кажныжлан посна-посна саламым каласе. Аминь.


предыдущая глава Глава 1 следующая глава