Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ИОАНН БОГОСЛОВЫН УЛО ЧЕРКЫЛАН КОЛТЫМО КОКЫМШО СЕРЫШЫЖЕ

Глава 1

1-3 Саламлымаш. 4-11 Чын да йӧратымаш. 12-13 Чеверласымаш.

1-2Старец деч – Юмын ойырен налме госпожалан да тудын икшывыж-влаклан.

Мемнан дене ушнен шогышо, мемнан дене курымеш лийшаш чынлан кӧра мый тендам чын дене йӧратем, да мый веле огыл, а чыным пален налше-влак чылан йӧратат.3Тек Юмо Ача да Ачан Эргыже Господь Иисус Христос деч порылык, чаманымаш да тыныслык тендан пелен чын да йӧратымаш дене лиеш.

4Ачан мыланна кӱштымыж дене чын почеш илыше-влакым тыйын икшывет-влак коклаште ужмемлан пешак куанышым.5А ынде тыйым, госпожа, йодам: икте-весынам йӧратышаш улына; мыйын возымо тиде кӱштымашем у огыл, тудым мыланна тӱҥалтыштак пуымо,6а йӧратымашыже Юмын кӱштымашыж почеш ыштымаш лиеш. Тидыже – тӱҥалтыш гычак колмо кӱштымашда, те тудын почеш илышаш улыда.

7Тӱняшке ондалыше шуко лектын. Нуно Иисус Христосын тӱняшке толмыжым да кап дене илымыжым шӧрен ойлат. Тыгай еҥ-влак ондалыше да антихрист улыт.8Шкендам шекланыза, мемнан паша лектышнам йомдарышаш огынал, тек мыланна тичмаш суап лиеш.9Кӧ Христосын туныктымыжым ок кучо да тудын деч ӧрдыжкӧ кораҥеш, тыгайын Юмыжо уке. А кӧ тиде туныктымашым куча, тудын Ачат, Эргат уло.10Кӧ тендан деке толеш да тиде туныктымашым ок кондо гын, тудым пӧртышкыда ида пурто, тудым ида саламле.11Вет тудым саламлыше осал пашашкыже ушна.

12Тыланда шуко возышашем уло, но мый тидлан кагаз ден чиям ынем кучылт, а тендан куанда тичмаш лийже манын, тендан деке мийынем да ваш шинчын мутланынем.13Юмын ойырен налме акатын икшывыж-влак тыланет саламым колтат. Аминь.


*а 1:1-2 «Юмын ойырен налме госпожа да тудын икшывыж-влак» черкым да тушко пурышо еҥ-влакым ончыкта манын шотлалтеш.

предыдущая глава Глава 1 следующая глава