Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПЕТРЫН УЛО ЧЕРКЫЛАН КОЛТЫМО КОКЫМШО СЕРЫШЫЖЕ

Глава 3

1-18 Иисус Христос кокымшо гана толеш.

1Йӧратымем-влак, ынде кокымшо серышым тыланда возем, нине серышлаште шке шарныктымем дене тендан кӧргыштӧ яндар шонымашым помыжалтарынем.2Святой пророк-влакын ондак ойлымо шомакыштым да Господьын, Утарышын, тендан Апостолда-влак гоч пуымо кӱштымыжым шарныза шонем.

3Эн ондак тидым палыза: пытартыш кечылаште шке сутланымышт почеш илыше, мыскылен воштылшо-влак толыт4да ойлат: «Тудын толаш сӧрымыжӧ кушто? Вет ачана-влак ӱмырым шуктеныт, но, тӱням ыштыме деч тӱҥалын, кузе лийын, чылажат тугак кодеш».5Вӱд гыч да вӱд дене ыштыме кавам да мландым тӱҥалтыште Юмын шомак дене ыштымым нуно мондаш шонат.6Вӱд денак, ташлыме дене, тунамсе тӱня пытаралтын.7А кызытсе кава ден мландым тудо шомак денак туллан арален кодымо, Юмым пагалыдыме еҥ-влакым судитлыме да пытарыме кечылан нуным саклыме.8Йӧратымем-влак, теве икте тендан деч шылтыме лийшаш огыл: Господьлан ик кече – тӱжем ий гай, да тӱжем ий – ик кече гай.9Господь юватылеш манын, южо еҥ шотла гынат, Господь сӧрымыжым шукташ ок юватыл, а мемнан шотышто чытымашым ончыкта. Иктынат пытымыжым Тудо ынеж уж, а чылан языкыштым касарыктышт да Юмо деке савырнышт манын шона.10А Господьын кечыже йӱдым толшо вор семын толеш, тунам кава мӱгырен йомеш, сандалыкыште чылажат чот ырен шалана, а мланде да тушто мо уло – чылажат йӱла.

11-12Тыге чылажат шалана гын, тугеже тыланда, Юмын кечыжым да тудын вашкерак толын шумыжым вучышо-влаклан, святой илышыште да Юмым пагалымаште могай лияш кӱлеш! Тудо кечын кава тул дене шалана да сандалыкысе чыла ужаш шокшеш лева.13Но Юмын сӧрымыж семын ме у кавам да у мландым вучена. Тушто чын ыштымаш илаш тӱҥалеш.14Сандене, йӧратымем-влак, тидым вучен, Юмын ончылно ару чонан, шылталаш лийдыме да тынысан лияш тыршыза.15Йӧратыме Павел изана тудлан пуымо уш-акыл дене тыланда кузе возен, Господьнан чытымыжым утарымашлан шотлыза.16Тидын нерген возымыж годым Павел эре тидымак ойла. Тудын серышлаштыже южо шонымашым умылаш неле, нуныштым тунемдыме ден пеҥгыдем шудымо еҥ-влак моло Возымаш семынак кадыртылыт, тидын дене шкеныштым пытымашке шуктат.

17Тугеже те, йӧратымем-влак, тидым ончылгоч паледа гын, шекланыза. Закондымо-влакын йоҥылыш корнышт тендам шкеж деке ынже шупшыл, те пеҥгыде негызда деч ида кораҥ.18Мемнан Господьна да Утарышына Иисус Христосын порылыкыштыжо да Тудым пален шогымаште кушкын толза. Тудлан кызытат, курым-курымаш кечынат эре чап лийже! Аминь.


предыдущая глава Глава 3 следующая глава