Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ-ВЛАКЫН ПАШАШТ

Глава 15

1-21 Иерусалимысе погынымаш. 22-35 Иерусалимысе погынымашын колтымо серышыже. 36-41 Павел ден Варнава ойырлат.

1Иудей гыч толшо икмыняр еҥ иза-шольо-влакым тыге туныктен: «Те Моисейын кӱштымыж почеш пӱчмашым шкаланда огыда ыштыкте гын, утаралтын огыда керт».2Павел ден Варнава нунын ваштареш шогалыныт да шагал огыл ӱчашеныт. Павел ден Варнавам да икмыняр моло еҥым Апостол ден пресвитер-влак деке Иерусалимыш тиде йодыш шотышто каҥашаш колтеныт.3Тыгеракын, черкын еҥже-влак нуным ужатен колтеныт. Кайыше-влак Финикий ден Самарийым эртеныт, чын Юмым палыдыме-влакын Христос велке савырнымышт нерген каласкаленыт. Чыла иза-шольо тиде уверлан чот куанен.4А Иерусалимыш толмекышт, нуным черке да Апостол ден пресвитер-влак вашлийыныт, шкенышт дене Юмо мом ыштымым да чын Юмым палыдыме-влаклан ӱшанымаш омсам кузе почмым Павел ден Варнава чыла каласкаленыт.5Фарисей ересь гыч ӱшанаш тӱҥалше икмыняр еҥ кынел шогалын да ойлен: «Чын Юмым палыдыме-влак кокла гыч улшо ӱшаныше-влак дене пӱчмӧ йӱлам эртарыман, тыгак нунылан Моисейын законжым шукташ кӱштыман».

6Тиде йодышым ончаш Апостол ден пресвитер-влак погыненыт.7Кужу жап ӱчашыме деч вара Петр кынел шогалын да нунылан каласен: «Иза-шольо-влак, те паледа: чын Юмым палыдыме-влак Поро Уверым мый дечем колышт да ӱшанышт манын, Юмо мыйым мемнан кокла гыч шукертак ойырен налын.8Шӱм-чоным палыше Юмо йот калык-влакым Шкеж деке лишемден. Святой Шӱлышым мыланна пуымыж семынак нуныланат пӧлеклымыж дене тидым таныклен.9Нуным мемнан деч нимо семынат ойыркален огыл, а шӱмыштым ӱшанымаш дене эрыктен.10Тугеже молан кызыт те Юмым тергеда? Молан тунемше-влакын вачышкышт нелытым пыштынеда? Мемнан ачана-влакат, меат тудым нумалын кертын огынал.11А ме нунын семынак Господь Иисус Христосын порылыкшо гоч утаралтына манын ӱшанена».

12Тунам уло погынымаш шыпланен да Варнава ден Павелым колышташ тӱҥалын. А нунышт каласкаленыт, кузе Юмо нунын гоч чын Юмым палыдыме-влак коклаште тӱрлӧ ӧрыктарыше паша ден палдарыше палым ыштен.13Кунам нуно шыпланеныт, Иаков ойлаш тӱҥалын: «Иза-шольо-влак, мыйым колыштса.14Кузе Юмо икымше гана чын Юмым палыдыме-влак деке порылыкшо дене савырнен да нунын кокла гыч Шкаланже калыкым налаш шонен манын, Симон умылтарен.15Пророк-влакын возымо шомакыштат тидын дене келшен толыт:16
”Тылеч вара Мый пӧртылам
да Давидын шаланыше скинийжым угыч ыштем,
тушто чыла шалатымым чоҥем да тӧрлем.
17Тунам чыла моло еҥ-влак
да Мыйын манын лӱмдымӧ чыла калык
Господьым кычалын кертыт”.
Чыла тидым ыштыше Господь тыге ойлен».
18Юмылан шке пашаже курымла дене палыме.19Сандене чын Юмым ондак палыдыме, а вара Юмо деке савырныше еҥ-влаклан нелылыкым ыштышаш огынал манын, мый шонем.20Шояк юмылан кумалме дене амыргыше деч, яжарланыме деч, пич каен колышо вольык ден янлыкым да вӱрым кочмо деч шкеныштым кучышт, тыгак мом шкаланышт ынешт ыштыкте, весыланат тудым ынышт ыште манын, ме нунылан возышаш улына.21Вет Моисейын законжым ожнысекак чыла олаште увертарат да шуматкече еда синагоглаште лудыт».

22Тунам Апостол ден пресвитер-влак пӱтынь черке дене пырля шке коклашт гыч икмыняр еҥым ойыраш да нуным Павел ден Варнава пелен Антиохийыш колташ пунчалыныт. Нуно Варсава манме Иудам да Силам ойыреныт. Иза-шольо-влак коклаште нине кок еҥ вуйлатыше лийын.23Пеленышт тыгай серышым колтеныт:

«Апостол, пресвитер ден иза-шольо-влак Антиохийыште, Сирийыште, Киликийыште илыше да чын Юмым ондак палыдыме иза-шольо-влаклан: куаныза.24Ме колынна: мемнан кокла гыч южышт толыныт да кӱштымына деч посна ”Шкендам пӱчкыкташ да Моисейын законжым шукташ кӱлеш” манме шомакышт дене тендам ӧрыктареныт да чондам пудыратеныт, сандене25ме тендан деке ик ой дене ойырен налме еҥнам колташ пунчална. Нуно йӧратыме изана-влак Варнава да Павел дене пырля мият –26нунышт мемнан Господьна Иисус Христосын лӱмжӧ верч илышыштым чаманен огытыл.27Тыгеракын, ме Иуда ден Силам колтена, нуно мемнан кызыт возымо увернамак ойлен умылтарат.28Мо кӱлеш деч уто нелыжым тендан ӱмбак огына пыште. Святой Шӱлыш да меат тидым сайлан шотлена. Тидым веле йодына:29шояк юмылан пуымо надырым, вӱрым, пич каен колышо вольык ден янлыкым ида коч, ида яжарлане, мом шкаланда ынеда ыштыкте, весыланат тудым ида ыште. Тыгайым ыштыме деч шкендам кучеда гын, сай ыштеда. Таза лийза».

30Тыгеракын, колтымо еҥ-влак Антиохийыш миен шуыныт да, ӱшаныше-влакым поген, серышым кучыктеныт.31Нуно, лудмекышт, тудын кумылаҥдыше шомакшылан куаненыт.32Иуда ден Сила шкештат пророк лийыныт да иза-шольо-влаклан кумылаҥдыше да пеҥгыдемдыше мутым шуко ойленыт.33Икмыняр жап тушто лиймекышт, иза-шольо-влак нуным Апостол-влак деке, тынысым тыланен, ужатеныт.34Но Сила тушан кодаш шонен пыштен, Иуда Иерусалимыш пӧртылын.35А Павел ден Варнава Антиохиеш кодыныт. Тушто шуко моло иза-шольо дене пырля Господьын шомакшым туныктеныт да Поро Уверым каласкаленыт.

36Икмыняр жап эртымеке, Павел Варнавалан каласен: «Господьын шомакшым каласкалымына годым коштмо чыла олашке иза-шольо-влак деке ынде угыч каена да, кузе илат, ончалына».37Варнава пырля Марк манме Иоаннымат налнеже улмаш,38но Павел нунын деч Памфилийыште кораҥше да ыштышаш пашашкышт лекдыме еҥым налаш чынлан шотлен огыл.39Тыге нунын ӱчашымаш лектын, да икте-весышт деч ойырленыт. Варнава Маркым пырля налын да, корабльыш шинчын, Кипрыш каен.40Павел шкаланже Силам ойырен налын, да иза-шольо-влак Павелым Юмын порылыкшылан ӱшанен пуэныт. Тудо корныш лектын,41Сирий ден Киликий гоч эртен да черке-влакым пеҥгыдемден.


*а 15:16 Скиний – тыште: тукым.

*б 15:16-17 Ам 9:11-12.

*в 15:23 «Куаныза» – грек йылмыште тидыже саламлыме мут.

предыдущая глава Глава 15 следующая глава