Библия
Выбрать язык
Книги Ветхого Завета
Книги Нового Завета
с русским текстом
ЭККЛЕСИАСТЫН, МУНЛО ТУНЫКТЫШЫН, КНИГАЖЕ
10 Глава
1 Мунло шомак-влак. 16 Ушан да ушдымо вуйлатыше-шамыч.1 Кузе колышо карме-влак тамлыпушан ӱйым локтылыт
да шакшын ӱпшалтшым ыштат,
тугак изи окмак паша мунлылык ден чапым укеш луктеш.
2 Мунло еҥын шӱмжӧ пурлашке шупшеш,
а ушдымын – шолашке.
3 Ушдымо еҥ кеч-кушко кая гынат,
ушыжо садак ок сите,
ойлымо шомакыштыже ушдымылыкшо чылалан коеш.
4 Вуйлатыше тылат шыдешка гын,
шке веретым коден ит кай –
ӱҥышем моштымаш шуко йоҥылышым леведеш.
5 Ужынам мый кече йымалне эше ик осалым,
вуйлатышын йоҥылышыжлан кӧра лийшым:
6 ушдымо-влакым кӱшкӧ нӧлтат,
а поян-шамычым ӱлыкӧ шындат.
7 Мый ужынам, кузе кул-влак имне ӱмбалне шинчат,
а тӧра-шамыч кул семын йолын ошкылыт.
8 Кӧ вынемым кӱнча – тушко шкеак камвозеш,
кӧ пырдыжым шалата – тудым кишке чӱҥгалеш.
9 Кӱм лукмо верыште тыршыше еҥ эмганен кертеш,
пум руышо еҥынат пашаже лӱдыкшӧ.
10 Товар нӱшкеммеке, тудым от шумо гын,
руымо годым вий кӱлеш,
а мунлылык деч пайда эре лиеш.
11 Юлен туныктышо еҥым
*а кишке юлаш тӱҥалмыж деч ончыч чӱҥгалеш гын,
тудын мастарлыкше деч ок лий пайда.
12 Мунло еҥын шомакше тудын деке поро кумылым шочыкта,
а ушдымым шке умшажак пытара.
13 Тудын икымше шомакшак ушдымо,
пытартыш мутшат окмак.
14 Ушдымо шуко кутыра,
но айдеме ок пале, мо ончылно вуча –
кӧ тудлан каласа, мо тудын деч вара лиеш?
15 Ушдымым паша нойыктара,
ок пале тудо олашке корнымат.
16 Ойго тыланет, мланде,
кунам тыйын кугыжат самырык эрге,
*б а тӧрат-влак эрденак пайрем сийым кочкыт.
17 Пиалан улат тый, мланде,
кунам тыйын кугыжат – сай тукым гыч,
а тӧрат-влак шке жапыштыже кочкыт –
алкынымеш огыл, а вийым погашлан йӱын-кочкыт.
18 Йолагай улмылан кӧра пӧрт тувраш волен кая,
да кунам паша ок ышталт – леведыш вошт вӱд йога.
19 Кочмаш-йӱмашым веселитлаш ыштат,
йошкар арака илышым куандара,
а окса чыла тидым пуа.
20 Ушет денат кугыжам ит шудал,
малыме пӧлемыштетат поян еҥ нерген осалым ит ойло:
кавасе кайык-влак наҥгаен кертыт мутетым,
шулдыран-влак шарен кертыт ойлыметым.
*а 10:11 Кишкым юлен туныктышо еҥ – заклинатель змей.
*б 10:16 «Самырык эрге» – тидым «тарзе кокла гыч» манынат кусараш лиеш.
Глава 10
