Библия
Выбрать язык
Книги Ветхого Завета
Книги Нового Завета
с русским текстом
PSALTIRI
146 Psalmu
1 Alliluija!
Kiittäkkiä Ižändiä!
Hyvä on pajol kiittiä meijän Jumalua,
se tuou hyviä mieldy.
Händy on hyvä kiittiä.
2 Ižändy uvvessah nostau Jerusaliman,
Häi keriäy yhteh Izrail՚an hajalleh olijan rahvahan.
3 Häi parandau niidy, kenen syväin on murdunuh,
Häi ottau heijän tuskat.
4 Häi tiedäy tiähtien luvun,
sanou niidy kaikkii omil nimil.
5 Suuri on meijän Ižändy,
suuri on Hänen vägi,
miäriämätöi on Hänen mielevys.
6 Sanankuulijoi Ižändy pidäy pystys,
a jumalattomii painau muah suate.
7 Pajatakkua vuoroi kiitändyvirzii Ižändäle,
soittakkua meijän Jumalale liiral!
8 Häi peittäy pilvil taivahan,
andau muale vihman,
kazvattau mägilöil heinän,
vil՚l՚an kazvattau ristikanzan hyväkse.
9 Häi andau syömizen žiivatoile,
syöttäy varoin poigiigi, konzu net kirrutah nälläs.
10 Häi ei kačo hevon vägeh,
eigo mielly miehen ravieh juoksendah.
11 Häi mieldyy niilöih, ket varatah Händy,
niilöih, ket uskotah Hänen armoh.
Глава 146
