Библия
Выбрать язык
Книги Ветхого Завета
Книги Нового Завета
с русским текстом
PSALTIRI
125 Psalmu
1 Matkupajo. Konzu Ižändy piästi Sionan pahas,
myö olimmo kui undunägijät.
2 Silloi meijän suu nagroi täytty vägie,
a kielel oldih pajot.
Muailman rahvahien keskes paistih:
«Suurii ruadoloi luadi Ižändy heile».
3 Ižändy tottu on luadinuh meile suurii ruadoloi,
sendäh myö piemmö iluo.
4 Ižändy, tuo järilleh vierahah muah vägeh
siirretyt meijän rahvas,
kui tuot vezivirrat Negevan kuivah muah.
5 Ket kyynälienke kylvetäh,
net hyväs mieles leikatah.
6 Ket itkunke mennäh kylvämäh siemenii,
net iloiänenke kannetah kodih liuhtehii.
Глава 125
