Выбрать язык
Книги Ветхого Завета
Книги Нового Завета
с русским текстом1Olgua gu vellet keskenäh, su- vaikkua toine tostu.2Olgua ainos valmehet vastuamah tulijoi, muga erähät iče sidä tiedämättäh gostitettih anheliloi.3Mustakkua tyrmäs istujii, buitegu työ iče olizitto heijänke čieppilöis; mustakkua muokis olijoi, tundouhäi teijängi rungu kivun.
4Pidäkkiä kunnivos ukon da akan keskenäine elos, älgiä huijakkua yhtehisty magavosijua. Jumal suudiu karguajat da vierahan akanke maguajat.
5Älgiä olgua d'engansuvaiččijat omas elaijas, olgua hyväl mielel sil, midä teil on. Jumal iče sanoi:
- Minä en jätä sinuu,
en hylgiä sinuu nikonzu.
6Sendäh myö voimmo rohkieh sanuo:
- Ižändy on minun auttai,
sikse minä en varua.
Midä voibi luadie minule
ristikanzu?
7Mustakkua teijän vahnimii, kudamat saneltih teile Jumalan sanua. Heijän elaijan da sen lopun nähtyy otakkua heis kuavua, kui pidäy uskuo.8Iisus Hristos on egläi, tänäpäi dai ijän kaiken se samaine.9Älgiä annakkua kaikenmoizile vierahile opastandoile vediä iččie bokkah. On hyvä lujendua syväin Jumalan hyvyöl, a ei syöndyzakonoin novvandal. Syöndyzakonoin noudajat ei suadu niilöis nimidä hyviä.
10Meil on altari, kudamalpäi otettuu žertvua ei ole valdua syvvä pyhästuanus sluužijoil.11Työhäi tiijättö, konzu ylimäine pappi vedäy Kaikispyhimäh žiivatoin verdy meijän riähkis tuači, nämien žiivatoin rungat poltetah stuanun ulgopuolel.12Sikse Iisusgi, gu puhtastua rahvahii omal verel, tirpi gor'ua da kuoli linnanveriän ulgopuolel.13Lähtekkiämmö sit Hänen luo stuanun ulgopuolele Hänen jytyi huigiedu tirpamah.14Eihäi meil tiä ole linnua, kudai pyzyy ainos. Myö vuotammo igäväs sidä linnua, kudai tulou.15Ga ruvekkuammo sit Hänen kauti heittelemättäh kandamah Jumalale kiitändylahjoi, ylendäjen Hänen nimie.16Älgiä unohtakkua vie luadie hyviä da andua toizile omis elolois, moizet lahjat ollah Jumalale mieldy myö.
17Kuunnelkua omii vahnimii, heitykkiä heile. Hyö ei muata yölöi teijän täh, gu heil pidäy andua čottu teis. Anna hyö ruatah omua ruaduo hyväl mielel, a ei hengästellen, eiga se olis teile pahakse.
18Moliettokseh meis tuači. Myö lujah tiijämmö, meijän hengi on riähkätöi, myö tahtommo kaikes eliä oigiennu.19Vie sikse minä kehitän teidy molimahes, gu tahton teriämbi piästä järilleh teijän luo.
22Vellet, minä tahton, gu työ tirpazitto nämä kehitändysanat, enhäi muga äijiä kirjutannuh teile.23Tahton vie, gu tiedäzittö: meijän velli Timofei on piästetty tyrmäspäi välläle. Gu häi ehtinöy tulla, minä yhtes hänenke tulen nägemäh teidy.
24Sanokkua tervehytty kaikile teijän vahnimile da kaikile jumalanuskojile. Italiespäi roduzin olijat vellet työtäh teile tervehytty.25Annakkah Jumal hyviä teile kaikile!
Глава 13