Выбрать язык
Книги Ветхого Завета
Книги Нового Завета
с русским текстом1Sikse meil pidäy lujah pyzyö sit, midä kuulimmo, gu ei vedäs meidy vien virdu.2Gu anheliloingi kauti tuodu sana*a oli luja, i joga paha ruado da sanankuulemattomus suadih oigei palku,3ga kuibo sit myö piäzemmö pagoh, gu emmo olle nimilleh sidä suurdu piäzendiä, kudamua enzimäzikse iče Ižändy saneli? Ket kuultih tämä Ižändän pagin, ozutettih meile sen tozi,4i iče Jumal lujendi heijän sanoin toven tunnusmerkilöil, kummil da kaikenjyttymil suuril ruadoloil da Pyhän Hengen lahjoil, kudamii Häi jagoi, kui iče tahtoi.
5Eihäi anheliloin valdah Jumal andanuh tulijua muailmua, kudamua pagizemmo.6Täh niškoi kuslienne kenlienne sanoi:
- Mi on ristikanzu? Animi.
A Sinä mustat händy!
Mi on ristikanzan lapsi? Animi.
A Sinä tulet hänen luo!
7Vai kodvazekse Sinä panit händy
alembakse anheliloi,
no sit taivahallizel valgiel da kunnivol
venčaičit händy
8da panit kai hänen jalloin alle.
Konzu Jumal pani kai ristikanzan vallan alle, Häi ei jättänyh nimidä panemattah. A nygöi vie emmo näi, gu kai olis pandu.9No myö näimmö Iisusan, kudai oli kodvazekse pandu alembakse anheliloi, gu Häi Jumalan hyvyön täh kuolis kaikis tuači. Nygöi tämä kuolendutuskat tirpanuh Iisus on venčaittu taivahallizel valgiel da kunnivol.10Jumal, kudai luadii kai da kudamah niškoi on kai, tahtoi tuvva äijii lapsii taivahallizeh valgieh. Sendäh oli kohtalleh, gu Häi muokkien vuoh luadii Iisusan, heijän Piälimäzen Piästäjän, kaiken täyttäjäkse.11Puhtastajal da puhtastettavil on kaikil yksi Tuatto, sikse Puhtastai ei huijustai sanuo heidy vellikse:12
- Sanelen Sinun nimie Minun vellile,
ylendän Sinuu uskojien
kanzukunnan keskel.13Vie Häi sanou:
- Minä suremattah annan iččie Jumalale,
da vie:
- Täs Minä da lapset,
kudamii andoi Minule Jumal.
14A ku nämä lapset ollah ristikanzat, lihas da veres luajitut, ga sit Iisusgi heijän jytyi rodih ristikanzakse, gu oman kuolendan kauti ottua valdu kuolendan ižändäl, pahalazel,15da piästiä välläle kaikkii, kudamat joga päiviä eletäh surman varavon čieppilöis.
16Tovelgi Iisus ei huoli anheliloi, a huoliu Avraaman roduu.17Sikse Hänel pidi roijakseh kaikes vellien jyttymäkse, gu olla Jumalan ies armollizennu da suremattomannu ylimäzenny papinnu, anna Häi suas rahvahale prosken'n'an riähkis.18Gu Häi iče meni muokis läbi da oli muaniteltavannu, sit Häi voibi auttua toizii, kudamii muanitellah.
*a 2:2 «Anheliloin kauti tuodu sana» se on Moiseile annettu Zakon.
Глава 2