Выбрать язык
Книги Ветхого Завета
Книги Нового Завета
с русским текстом1A sinä sanele sidä, mi on tervehii opastandoi myö.2Anna vahnat miehet ollah selgiel piäl, vagavumielizet, anna pietäh iččie käzis, ollah tervehet uskos, suvaičukses da keständäs.3Mugai vahnat naizet anna tietäh ičele hinnan, anna ei paista toizes pahua, ei lähtietä viinale selgäh, a ollah hyväh opastajinnu.4Sit hyö voijah n'evvuo nuorii naizii suvaiččemah omua ukkuo, suvaiččemah lapsii,5olemah vagavumielizenny da kaikes puhtahannu, pidämäh huoldu perehes, kuundelemah omua ukkuo. Sanele kaikkie tädä, ku Jumalan Sana ei rodies nagrettavakse.
6Nuorembii miehii sežo kehitä pidämäh mieldy piäs.7Kaikes ozuta omal elaijal, kui ruadua hyvii ruadoloi. Opastajes ole puhtassydämelline da vagavu,8a sinun paginat oldahes tervehet da moittimattomat, sit sinun vastustajile rodieu huigei, gu ei voija meidy nimis viärittiä.
9Orjii opasta kaikes kuundelemah omii ižändii, ugodimah heile, ei kiistämäh,10ei varrastelemah, a ozuttamah iččie ainos suremattomannu da putillizennu. Sit hyö kaikes ylendetäh Jumalan, meijän Piästäjän, opastandua.
11Jumalan hyvyshäi jiäviihes piäzendäkse kaikile rahvahile.12Se hyvys opastau meidy hylgiämäh jumalattomuon da sen, mi muailmas himoh panou, da opastau elämäh vagavumielizenny, oigiennu da Jumalua varuajannu täl mual,13kuni vuotammo suuren nad'oužan tulendua tovekse, suuren Jumalan da meijän Piästäjän Iisusan Hristosan taivahallizen valgien jiävindiä.14Häi andoi oman hengen meis tuači, gu piästiä meidy kaikes pahas da gu puhtastua meidy Hänen omakse rahvahakse, kudai rakkahal ruadau hyviä.
15Nenga pagize rahvahanke, kehitä da kohendele kaikel vallal, kudai sinul on, i anna niken ei paheksi sinuu.
Глава 2