Выбрать язык
Книги Ветхого Завета
Книги Нового Завета
с русским текстом1Sanon, gu tiedäzit: jälgipäivin tullah jygiet aijat.2Rahvas ruvetah suvaiččemah vai iččie da d'engua, roijah havizijat da hyväkse menijät, kirotah toine tostu, ei kuunnella vahnembii. Hyö ei musteta hyviä, ollah jumalattomat,3ei suvaija toine tostu, ei lauhtuta suuttuhuu, paistah toizis pahua, ei pietä iččie käzis, ollah gu zvierit, hyvän vihuajat,4menettäjät, huijuttomasti rohkiet, suurendelijat, suvaijah enämbäl elaijan hyvyzii, migu Jumalua,5ulgoči ollah buitegu jumalahizet, no ei uskota Jumalan vägeh. Ole päivilleh moizis.6Heih kuulutah net, kudamat tungietahes taloloih, suajah käzih kebjeimielizii, riähkih painunuzii naizii, kudamat ollah kaikenjyttymien himoloin vedeltävänny.7Nämä naizet ollah ainos valmehet opastumah, no nikonzu ei voija piästä perile toves.8Kui Jannii da Jamvrii oldih Moiseidu vastah, mugai net rahvas vastustetah praudua. Heijän mieli on rikkovunnuh, heijän usko ei päi nimih.9No hyö ei piästä loitos, heijän mielettömyshäi rubieu nägymäh kaikile, kui nägyi niilöin kahten mielettömys.
10Sinä tarkah novvit minuu - opastandois, elaijas, tahtolois, uskos, tirpandas, suvaičendas, keständäs,11painandois da muokis, moizis, mittumat tuldih minun piäle Antiohies, Ikonies da Listras. Mittumat muokat minä kestin! No kaikis niilöis piästi minuu Ižändy.12Dai kaikkii niilöi, ket tahtotah eliä jumalahizesti Hristosas Iisusas, ruvetah painamah.13Pahat rahvas da muanittelijat heitytäh vie pahembakse, yöksytetäh muidu da yöksytäh iče.14A sinä pyzy sit, mih olet opastunnuh da mih uskot lujah. Tiijäthäi, kes olet sen opastunnuh.15Sinä jo pahas pienyössäh tunnet Pyhät Kirjutukset, kudamat voijah andua sinule mieldy, i uskojen Hristossah Iisussah sinä suat piäzendän.16Kai pyhät kirjutukset on Jumalan Hengespäi tulluot i ollah avunnu opastandas, n'evvondas, kohendamizes da kazvattamizes tozioigieh elaigah.17Nenga Jumalan ristikanzu roih kaikelleh valmis kaikkih hyvih ruadoloih.
Глава 3