Выбрать язык
Книги Ветхого Завета
Книги Нового Завета
с русским текстом1Kaikil orjan čieppilöis olijoil pi- däy kaikelleh počitoija omii ižändii, gu niken ei vois nagrua Jumalan nimie da meijän opastandoi.2Niilöil orjil, kudamien ižändät ollah jumalanuskojat, ei pie počitoija heidy vähembäl sen periä, gu hyö ollah uskovellet. Heil pidäy ruadua vie parembi, sikse gu nämä ižändät, kudamat hyövytäh heijän ruavos, ollah uskovellet da heile armahat. Kaikkie tädä opasta da n'evvo.
3Ku ken opastannou toizin, ei muga kui minä opastan, i ei novva meijän Ižändän Iisusan Hristosan tervehii sanoi da Jumalan uskon opastandoi,4häi suurendeleh, eigo ellendä nimidä. Hänel on vai eiterveh himo kiistiä da riijellä sanoin merkičykses. Sit kaikes roih vihua, riidua, kiruondua dai pahoi duumii toizien piäle5da loppemattomii kiistoi ristikanzoin keskes, kudamien mieli on rikkovunnuh, kudamat unohtettih, mi on tozi, da smietitäh Jumalan uskon vuoh voibi bohattuo.6Jumalan usko tottugi on suuri bohatus, gu myö ollemmo hyvät sil, midä meil on.7Emmohäi myö nimidä tuonnuh muailmah, emmogo voi nimidä ottua lähtijes.8Gu meil on syömisty da sovat, olguammo hyvät sil.9A net, kudamat tahtotah bohattuo, puututah muanituksih da ridah, kaikenjyttymien mielettömien himoloin valdah, kudamat tuvvah vahinguo da vietäh ristikanzan kuavundah da häviendäh.10D'enganhimohäi on kaikenjyttymän pahan juuri. D'engan tabailles erähät hairottih uskos, i äijät tuskat mendih heijän vačas läbi.
11A sinä, Jumalan ristikanzu, pagene iäre kaikes moizes, eči oigiedu da jumalahistu elaigua, uskuo, suvaičustu, kestävytty da sydämen pehmehytty.12Pie hyvä uskontora da sua ičele ilmanigäine elaigu, kudamah sinuu kučuttih, konzu sinä hyvin avait oman uskon äijien rahvahien ies.13Jumalan, kaiken elaijan andajan ies da Hristosan Iisusan ies, kudai hyvin avai oman uskon Pontii Pilatan ies, minä käsken sinule:14Rua sinule annettu ruado puhtahasti, soimuamattomasti, kuni meijän Ižändy Iisus Hristos ei tule uvvessah.15
Hänen tulendan andau meile nähtä omal aijal
Ylendettävy Jumal, aino Vallanpidäi,
suariloin Suari da ižändien Ižändy.
16Vai yksi Häi on kuolematoi,
Häi eläy moizes valgies, kudaman ni lähäle ei sua tulla.
Händy ei nähnyh ni yksi ristikanzu, eigo voi nähtä.
Hänele kunnivo
da ilmanigäine valdu! Amin'.
17Azettele niilöi, kudamat ollah bohatat nygözes muailmas, gu hyö ei suurendeltazihes da ei nad'eittazih muanittajah bohattuoh, a uskottas Jumalah, kudai andau meile kylläl kaikkie meijän hyväkse mielekse.18Käske heile luadie hyviä, kerätä bohatundakse hyvii ruadoloi da tävvel käil jagua muile omii eloloi.19Nenga hyö suitetah ičele bohatus, hyvä alustu tulieh aigah niškoi, gu suaja tozielos.
20Muga, Timofei! Kačo hyvin sidä, mi on annettu sinun käzih! Vältelei jumalattomii da tyhjii paginoi da kiistoi sit, midä kielahasti sanotah tozi tiijokse.21Erähät heityttih nengomale tiijole da hairehtuttih uskos.
Annakkah Jumal teile kaikkie hyviä!
Глава 6