Выбрать язык
Книги Ветхого Завета
Книги Нового Завета
с русским текстом1Älä kovah čakkua vahnua miesty, a kehitä händy gu omua tuattua, nuorembii miehii kehitä gu omii vellii,2vahnoi naizii - gu omua muamua, nuorembii naizii kehitä gu sizärii, puhtahal mielel kaikes.
3Pie huoldu ihan yksinäh jiännyzis leskis.4No gu leskel ollou lastu libo vunukkua, anna enzimäi hyö opastutah luadimah omale perehele sidä, midä uskojil pidäy luadie, da maksamah vahnembien vaivois. Se on Jumalale mieldy myö.5Yksin jiännyh putin leski nad'eičeh Jumalah, pokoroičeh da molihes heittelemättäh yöt dai päivät.6A leski, kudai eläy magiedu elaigua, on jo hengis olles kuolluh.7Anna heile nämä käskyt, gu elettäs moittimattominnu.8No ken ei pie huoldu omahizis da semmite omas perehes, se on hyllännyh uskon da on pahembi ihan uskomattomua.
9Leskien luguh pidäy ottua vai moine leskinaine, kudai on jo täyttänyh kuuzikymmen vuottu, kudai on olluh yhten ukon akannu,10kudamua tundietah hyvis ruadolois, sit gu kazvatti lapsii, vastai hyvin matkalazii, pezi jumalanuskojien jalgoi, avvutti niilöi, kel oli jygei, da ruadoi äijän muudu hyviä.11Nuorembii leskii älä ota luguh. Konzu havačutah heijän rungan himot, hyö vieravutah Hristosas da ruvetah tahtomah miehele.12Muga hyö roijah viärät, gu hyllättih se, midä enzimäi uskaldettih Jumalale.13Sen piäle hyö harjavutah kävelemäh talois taloih da roijah laškoikse, da ei vai laškoikse, a vie ruvetah kandelemah kielii, seguomah toizien dieloloih da pagizemah mostu, midä ei suas paista.14Sikse tahton, gu nuoret lesket mendäs miehele, suadas lastu da kačottas kodii i ei annettas vastustajile valdua paista meis pahua.15Erähät, kačo, jo kiännyttih kuundelemah sattanua.16Gu keltahto uskojis naizis ollou omahizien keskes leskinaizii, anna häi pidäy huoldu heis. Heijän täh ei pie vaivata uskojien kanzukundua. Anna kanzukundu pidäy huoldu ihan yksinäzikse jiännyzis leskis.
17Vahnimile, kudamat hyvin vietäh uskojien kanzukundua, maksau andua kunnivo dai hyvä palku, semmite niilöile, kudamat ruatah jygiedy ruaduo, gu sanellah jevangeliedu da opastetah.18Onhäi sanottu Pyhis Kirjutuksis: «Älä sivo puimas olijal häkil suudu» da «Ruadai on lunnastannuh palkan.»19Älä kuundele, konzu mistahto viäritetäh vahnimua, gu ei olle kahtu libo kolmie tovestajua.20Riähkänluadijoi n'evvo kaikkien ies, gu muutgi varattas.21Jumalan, Hristosan Iisusan da vallittuloin anheliloin ies vagavah käsken sinule noudua nämii n'evvondoi, ei yhtyö ni yhteh ni toizeh, eigo puolistua sidä, kedä käsköy sinun mieli.22Älä huolita panna käzii nikenen piäle, gu ottua händy Jumalan ruadoh, älä seguo toizien riähkih. Pie iččie puhtahannu.23Iellehpäi älä juo vai yhty vetty, a ota vähäine viinua vačan täh da puaksuh olijoin vaivoin täh.
24Erähien riähkät ollah nägevis i vietäh heidy suudoh kerras, a toizien riähkät avavutah myöhembi.25Muga i erähät hyvät ruavot ollah nägevis, a toizet ei olla nägevis, no netgi ei voija pyzyö peitos.
Глава 5