Выбрать язык
Книги Ветхого Завета
Книги Нового Завета
с русским текстом1Pyhä Hengi sanou selgieh: jälgi- aijoin päivil erähät hyllätäh usko da ruvetah kuundelemah muanittelijoi hengii da karuloin opastandoi.2Niilöin opastandat tullah kielastelijoin kauti, kudamat heitellähes pyhikse, kudamien hengi on gu hiilaval ravval poltettu.3Hyö kieltäh naimas da menemäs miehele, kieltäh syömäs erähii syömizii. No Jumal on luadinuh net syömizet sih niškoi, gu net, ket uskotah da tietäh tozi, syödäs da kiitettäs Jumalua.4Kačo gu kai, midä Jumal on luadinuh, on hyvä. Ni mi ei ole hyllättävy, konzu se kiittäjen on otettu -5Jumalan sana da malittu luajitah se pyhäkse.
6Gu opastat tädä kaikkie uskovellile, roittos hyvä Hristosan Iisusan ruadai i täytät iččiedäs uskon da hyvien opastandoin sanoil, kudamii myöte sinä elät.7Vältelei jumalattomii da hajuttomii zuakkunoi da harjaita iččie Jumalan uskoh.8Rungan harjaittamizes on vai vähäine hyviä, a Jumalan uskos on hyviä kaikkeh, sehäi uskaldau elaijan nygöi dai iellehpäi.9Tämä sanondu on tozi, i se maksau ottua iččeh.10Sen periähäi myö näimmö vaivua da ponnistelemmokseh, gu nad'eičemmokseh eläväh Jumalah. Häi on kaikkien rahvahien Piästäi, semmite uskojien.
11Nenga n'evvo da opasta.12Älgäh niken paheksikkah sinuu nuoren ijän täh, a ozuta sinä omal elaijal uskojile, kui pidäy paista, kui vediä iččie, kui suvaija, uskuo, pyzyö puhtahannu.13Kuni minä en tulluh, pie huoldu Pyhien Kirjutuksien luvendas uskojien kanzukunnale, n'evvo da opasta heidy.14Älä jätä dieloh panemattah n'eruo, kudai on sinule annettu Jumalaspäi tulluon sanan kauti, konzu vahnimat pandih käit sinun piäle.15Rua tädä kaikkie, pane sih kai väit, gu sinun edehpäimenendy nägys kaikile.16Kačo, kui elät da opastat. Pyzy nämis n'evvolois, muga ruadajen sinä piästät pahas iččiedäs dai sinun kuundelijoi.
Глава 4