Выбрать язык
Книги Ветхого Завета
Книги Нового Завета
с русским текстом1Kehitän teidy enne kaikkie pakiččemah, molimahes, panemah malittuu da passiboiččemahes Jumalale kaikkien rahvahien puoles,2suariloin da kaikkien vallanpidäjien puoles, gu voizimmo eliä hil'l'azeh da rauhuos, kaikes jumalahizesti da vagavasti.3Nengoine malittu on hyvä da mieldy myö Jumalale, meijän Piästäjäle,4kudai tahtou, gu kai rahvas piästäs kaikis pahuzis da tiijustettas tozi.5On vai yksi Jumal i yksi keskusmies Jumalan da ristikanzoin välis, ristikanzu Hristos Iisus,6kudai andoi oman hengen, gu piästiä välläle kaikkii rahvahii. Nenga Jumal ozutti: piäzendän aigu on tulluh.7Tämän viestin sanelijakse da apostolakse minuu on pandu. Pagizen tottu, en kielasta. Minuu on pandu Jumalua tundemattomien rahvahien opastajakse, opastamah, mi on usko da mi on tozi.
8Sendäh tahton: konzu kerävyttö yhteh, anna miehet molitahes, malitus nostetah käit puhtahal mielel, vihattah da riijattah.9Tahton sežo, gu naizet oldas putilleh šuorivunnuot, čomendettas iččie huigiedu varaten da mielenke, ei tukkien navedindal, ei kullal, ei žemčugoil, eigo kallehil sovil,10a hyvil ruadoloil, kui on kohtalleh naizile, kudamat mennäh jumalahizekse.11Naizel pidäy kuunnella opastandua vaikkani da kaikes heittyö nuorembakse.12A minä en anna naizele valdua opastua da pidiä valdua miehen piäl; hänel pidäy olla vaikkani.13Adamhäi oli luajittu enzimäi, a sit vaste Jeva.14I ei Adamua muanitettu, a muanitettih naistu, i häi kadoi riähkih.15No naine piäzöy lapsensuandal, gu pyzynöy uskos da suvaičukses da elänöy hil'l'azeh Jumalale pyhitettyy elaigua.
Глава 2