Выбрать язык
Книги Ветхого Завета
Книги Нового Завета
с русским текстом1Minä Puavil, Hristosan Iisusan apostol, kirjutin tämän kirjazen. Apostolannu minä olen Jumalan, meijän Piästäjän, da Hristosan Iisusan käskys, Hänen, kudamah nad'eičemmokseh.2Tervehytty sinule, Timofei, minun tozi poigu uskon periä. Annakkah Tuatto Jumal da meijän Ižändy Hristos Iisus sinule kaikkie hyviä, armuo da rauhuttu.
3Kehitän sinuu, kui kehitin Makedoniehgi lähtijes: jiä Efessah da käske sie erähile, gu hyö ei opastettas vierahii opastandoi4da ei menetettäs aigua tyhjih zuakkunoih da loppemattomih rodulangoin luvettelendoih. Net tuvvah vai kiistoi, eigo vietä ielleh Jumalan mielii - sen voibi luadie vai usko.5Meijän kehitändän tarkoituksennu on nostattua suvaičustu, kudai tulou puhtahas sydämes, riähkättömäs henges da toven uskos.6Erähät hairottih, kiännyttih iäre nämis opastandois da ruvettih blažimah midä puuttuu.7Hyö tahtotah olla zakonanopastajannu, hos ei ellendetä, midä iče paistah, da mih niškoi nenga lujah kiistetäh.
8Myö kaikin tiijämmö: zakon on hyvä, gu sidä pietäh zakonannu.9Eihäi zakon ole luajittu putin ristikanzoih niškoi. Zakon on luajittu moizih niškoi, kudamat eletäh, buitegu zakonoi ni olis ei, da moizih niškoi, kudamat nostah valdua vastah. Se on luajittu jumalattomih da riähkähizih niškoi da niilöih niškoi, kudamat ei kunnivoija Jumalua da kudamat luajitah paganakse se, mi on pyhä. Se on luajittu oman tuatan da muaman tappajih da muijien ristikanzoin tappajih niškoi.10Se on luajittu karguajih niškoi, miehenke maguajih miehih niškoi, rahvahien varrastajih, kielastelijoih, suvvos kielahan sanan andajih niškoi i kaikkeh moizeh niškoi, mi on tervehii opastandoi vastah.11Nenga sanou jevangelii, kudai ylendäy Jumalan valgiedu. Tämä jevangelii on annettu minule levitettäväkse.
12Minä kiitän Hristossua Iisussua, meijän Ižändiä, kudai andoi minule vägie, gu Häi kačoi minuu suremattomakse ruadajakse da otti ruadoh,13hos enne olin kironnuh Händy, painanuh Hänen jällittelijöi da luadinuh vägivaldua heidy vastah. No Häi žiälöičči minuu sen täh, gu en ellendännyh, midä ruan, olinhäi uskomatoi.14Meijän Ižändän hyvys minuu vaste oli agjatoi, moine oli i se usko da suvaičus, kudai tulou Hristosas Iisusaspäi.15Tämä sanondu on tozi, se kaikeči maksau ottua iččeh: Hristos Iisus tuli muailmah piästämäh riähkähizii, kudamis minä olen suurin.16No Jumal žiälöičči minuu, gu juuri minus - suurimas riähkähizes - Hristos Iisus ozuttas oman agjattoman tirpandan, nähtäväkse niilöile, kudamat ruvetah uskomah Häneh da suajah ilmanigäine elos.17Ilmanigäzele Suarile, kuolemattomale, nägymättömäle da aino Jumalale kunnivo da suuri nimi ainos dai ilmazen ijän! Amin'!
18Midä minä täs käsken, Timofei-poigu, se on niilöin Jumalaspäi tulluzien viestilöin mugah, kudamis saneltih sinuh niškoi. Niilöi sanoi mieles pidäjen, pie hyvin uskontora,19pie usko lujannu da hengi riähkis puhtahannu. Erähät nareko luajittih omua hengie vastah, i heijän uskon laivu kuadui.20Nämien joukos ollah Imenei da Aleksandru. Heidy minä annoin sattanan käzih, anna hyö opastutah olemah nagramata Jumalua.
Глава 1