Выбрать язык
Книги Ветхого Завета
Книги Нового Завета
с русским текстом1Sit viegi, vellet! Moliettokseh meijän puoles, gu Ižändän sana levies muadu myö teriämbi da piäzis muijalgi moizeh kunnivoh, mittumas se on teijän keskes.2Moliettokseh vie, gu piäzizimmö pahois da pädemättömis ristikanzois; eihäi kaikin uskota.3No Ižändy on surematoi avvuttai, i Häi lujendau teidy da vardoiččou pahas.4Ižändän täh myö uskommo, työ nygöi da iellehgi ruatto, midä myö käskemmö.5Kiännäkkäh Ižändy teijän sydämet Jumalan suvaičukseh da Hristosan tirpandah.
6Ižändän Iisusan Hristosan nimes myö käskemmö teile, vellet, pyzyö eriže joga velles, kudai eläy vällillisty elaigua, eigo kuundele meispäi suaduloi opastandoi.7Tiijättö ičegi, kui teil pidäy ottua kuavua meis. Konzu olimmo teijän luo, emmo elänyh vällillisty elaigua.8Myö emmo sudre syönnyh nikenen leibiä, a ruavoimmo murrimmo, yöt dai päivät olimmo hommis, gu ei istuo teijän niškal.9A gu tottu sanuo, meil ollus sih valdu, no myö tahtoimmo omal elaijal ozuttua teile, kui pidäy eliä.10Jo sit, konzu olimmo teijän luo, myö annoimmo teile käskyn: gu ken ei tahtone ruadua, älgäh ni syögäh.11Kačo gu myö kuulimmo, erähät teis eletäh vällillisty elaigua, ei ruata, a syvitähes vierahih dieloloih.12Moizile myö käskemmö da kehitämmö heidy Ižändän Iisusan Hristosan nimes alevumah da ičel suamah oma leiby.13No työ, vellet, älgiä väzykkiä hyvän luadijes.14Gu ken ei kuunnelle sidä, midä myö täs kirjutimmo, piekkiä händy merkil, i olgua eriže hänes. Toinah, sit hänele rodieu huigei.15No yksikai älgiä piekkiä händy vihaniekannu, a kohendakkua händy gu vellie.
16Iče rauhuon Ižändy annakkah teile rauhuon ainos da kaikkeh luaduh. Ižändy olgah kaikkien teijänke.
17Minä, Puavil, omal käil kirjutan teile täh tervehyöt. Tämä on minun merkinny minun joga kirjazes. Nenga minä kirjutan.18Meijän Ižändän Iisusan Hristosan hyvys olgah kaikkien teijänke.
Глава 3