Выбрать язык
Книги Ветхого Завета
Книги Нового Завета
с русским текстом1Aijois da aijankohtis ei ole hädiä kirjuttua teile, vellet,2gu työ iče ylen hyvin tiijättö, Ižändän päivy tulou tiedämättäh, gu varras yöl.3Konzu rahvas sanotah: «Kaikkiel on rauhus, ei ole midä varata», hävitys tulou heile vuottamattah, kui suandumuokat kohtuzele naizele, i hyö ei piästä pagoh.4No työ, vellet, etto elä pimies, eigo se päivy voi tavata teidy, gu varras.5Työ kaikin oletto valgien da päivän lapset. Myö emmo kuulu yöle, emmogo pimiele.6Sikse meil ei pie muata kui muatah muut, a pidäy olla jallas da selgiel piäl.7Net, kudamat muatah, hyö muatah yöl, ket humaloijah – ollah humalas yöl.8A meil, päivän lapsil, pidäy olla selgiel piäl, sellitä uskon da suvaičuksen raudupaidah da ottua šlemakse piäzendän vuotandu.9Jumal ei ole pannuh meidy vihah, a pani suamah piäzendän meijän Ižändän Iisusan Hristosan kauti.10Hristos kuoli meis tuači, gu myö, jallas ollesgo vai kuolendu-unes, voizimmo eliä Hänenke.11Sikse lujendakkua da n'evvokkua toine tostu, mugahäi työ ruattogi.
12Vellet, olgua moizet hyvät, piekkiä hinnois niilöi, kudamat äijäl ruatah teijän keskes, ollah teijän vahnimannu Ižändän nimes da kohendellah teidy.13Ozutakkua heile suurdu kunnivuo da suvaičustu heijän ruavon täh. Eläkkiä keskenäh sovus.14Vellet, kehitämmö teidy: opastakkua vällillizii, ližäkkiä varaččuloile rohkevuttu, avvutakkua vähävägizile da olgua tirpačut kaikkienke.15Kačokkua, gu niken ei maksas pahal pahas ruavos, opikkua ainos luadie hyviä toine toizele dai kaikile rahvahile.
16Olgua vesselät ainos,17moliettokseh heittelemättäh,18kiitäkkiä kaikes. Tädä Jumal tahtou teis, kudamat kuulutto Hristosale Iisusale.19Älgiä sammutakkua Hengie.20Älgiä paheksikkua Jumalan iänenkandajien sanoi.21Kačokkua hyvin kai i otakkua se, mi on hyvä.22Olgua eriže kaikenmoizes pahas.
23Iče rauhan Jumal luajikkah teidy pyhikse kaikes, kačokkah da vardoikkah kogo ristikanzua, teijän hengie dai rungua, gu olizitto soimuamattomat meijän Ižändän Iisusan Hristosan tulles.24Teijän Kuččui on surematoi, Häi luadiu sen, midä uskaldi.
25Vellet, moliettokseh meijän puoles.26Luajikkua tervehyöt kaikile vellile pyhäl suunannandal.27Ižändän nimes käsken teile lugie tämän kirjazen kaikile vellile.
28Kaikkie hyviä teile meijän Ižändäs Iisusas Hristosaspäi!
Глава 5