Выбрать язык
Книги Ветхого Завета
Книги Нового Завета
с русским текстом1Sit vie, vellet! Työ jo opastuitto meis, kui pidäy eliä, gu olla mieldy myö Jumalale, da muga työ elättögi. No Ižändän Iisusan nimes kyzymmö da kehitämmö teidy ainos menemäh parembah päi.2Tiijättöhäi, mittumat käskyt Ižändän Iisusan nimes myö teile annoimmo.3Jumalan tahto on, gu työ rodizittokseh kaikes pyhikse: vältelkiättökseh karguandas;4jogahizel teis pidäy pidiä oma rungu pyhänny da čestis,5a ei palua himoloin tules, kui ruatah rahvahat, kudamat ei tundieta Jumalua;6älgäh niken nimis vuarrakkah vellie da älgäh opikkah suaja ičele hyviä hänen vuoh, sendäh gu Ižändy tazuau kaikes moizes, kui myö teile jo ennegi sanoimmo da vakustimmo.7Jumal, näit, kučui meidy elämäh ei riähkähisty, a pyhiä elaigua.8Sikse se, kudai hylgiäy nämä käskyt, ei hylgiä ristikanzua, a hylgiäy Jumalan, kudai andau teile Pyhän Hengen.
9Uskovellen suvaičendas teile ei pie kirjuttua, Jumalhäi iče opasti teidy suvaiččemah toine tostu.10Muga työ ruattogi kaikkii uskovellii vaste kogo Makedonies. No myö kehitämmö teidy, vellet, ainos menemäh parembah päi.11Pangua kai väit, gu eliä rauhallizesti, gu ruadua omua dieluo da ičel suaha oma leiby, kui myö käskimmö teile.12Nenga työ elättö čestil uskomattomiengi silmis, eigo teile pie nikenen abuu.
13Emmo tahto, vellet, jättiä teidy tiedämättömikse sit, midä rodieu kuolluzile, gu työ etto pidäs pahua mieldy, kui nuat toizet, kudamat ei voija nad'eijakseh.14Gu kerran Iisus kuoli da nouzi kuollielois, muga kui myö uskommo, sit Jumal Iisusan tulles nostattau kuolluotgi elämäh yhtes Hänenke.15Ižändän sanoin mugah sanommo teile: Myö, elosolijat, kudamat jiämmö tänne Ižändän tulendah suate, emmo ennitä kuolluzii.16Konzu kajahtah käsky, kuuluu ylimäzen anhelin iäni da puhaldau Jumalan torvi, sit iče Ižändy heittyy taivahaspäi, i net, kudamat kuoltih Hristossah uskojinnu, enzimäzikse nostah kuollielois.17Sit meidy, kudamat olemmo elos, vie täl mual, temmatah ilmoih yhtes heijänke vastuamah Ižändiä pilvis. Sit myö voimmo ainos olla yhtes Ižändänke.18Alevutakkua sit toine tostu nämil sanoil.
Глава 4