Выбрать язык
Книги Ветхого Завета
Книги Нового Завета
с русским текстом1Työ ičegi tiijättö, vellet, gu meijän käyndy teijän luo ei mennyh sudre.2Hos enne sidä myö näimmö gor'ua da meidy piettih pahoi Filippas, kui työ tiijättö, no meijän Jumalan avul myö julgiesti sanelimmo teile Hänen jevangeliedu suuren vastustandan keskel.3Meijän kehitändät ei nosta yöksynyzis mielis, ei paganmielis eigo muanituksis.4Kui Jumal kačoi meidy pädijöikse da andoi meile jevangelien, mugai myö sanelemmo sidä, ei sikse, gu ugodie rahvahale, a sikse, gu ugodie Jumalale, kudai oppiu meijän mielii.5Myö nikonzu emmo olluh libeikielizet, sen työ tiijättö, emmogo peitoči eččinyh ičele hyviä, sen nägöy Jumal.6Emmo myö eččinyh rahvahan čestii, emmogo teis, emmogo muis,7hos Hristosan apostoloinnu olles voinnuzimmo tulla suurinnu. A myö olimmo teijän keskes leppeisydämellizenny kui muamo, kudai imettäy da ämmättäy omii lapsii.8Myö suvaičimmo teidy muga äijäl, ga olimmo valmehet andamah teile Jumalan jevangelien ližäkse oman ičengi; moizet armahat työ meile rodiittokseh.9Vellet, mustattohäi meijän jygien ruavon da vaivat. Konzu sanelimmo teile Jumalan jevangeliedu, myö vie ruavoimmo palkuruaduogi yöt dai päivät, gu ei jyvendiä teijän elaigua.10Työ da vie Jumal oletto tovendajannu, kui puhtahat, oigiet da vijattomat myö olimmo teijän, uskojien ies.11Ičegi tiijättö, kui myö kehitimmö teidy da ližäimmö rohkevuttu jogatoizele teis, kui tuatto omile lapsile,12da pripevöičimmö teile, gu eläzittö, kui pidäy eliä Jumalan mugah, Hänen mugah, kudai kuččuu teidy omah valdukundah da taivahallizeh valgieh.
13Myö heittelemättäh kiitämmö Jumalua vie sit, gu meis kuultun Jumalan sanan suaduu, työ otitto sen, ei ristikanzan sanannu, a senny, mi se toven on: Jumalan sanannu, kudai i ruadau teis, uskojis.14Nenga teis, vellet, on roinnuh Juudies olijoin, Hristosale Iisusale kuulujien Jumalan kanzukundien noudajat. Juuri mostu gor'ua työ fessalonikalazet näittö omamualazis, kui Juudien uskojat jevreilöis.15Jevreit tapettih Ižändy Iisus, dai Jumalan iänenkandajat, meidygi hyö äijäl painettih. Hyö ei olla Jumalale mieldy myö da ollah kaikkii rahvahii vastah,16i ei anneta meile paista Jumalua tundemattomien rahvahienke, gu netgi piästäs. Nenga hyö ainos vai täytetäh omien riähkien miäriä. No Jumalan viha heidy vastah täytyi tävvekse.
17Vellet, gu olimmo kodvazekse eroitetut teis, emmo nähnyh teidy, a meijän sydämis työ olitto, myö igävöičimmökseh da tahtoimmo nähtä teidy.18Tahtoimmo tulla teijän luo, a minä, Puavil ei vai yhten kerran, ga sattan salbai dorogan.19Kehbo sit on meijän nad'oužu, kenbo on meijän ilo dai kunnivovenču Ižändän Iisusan ies Hänen tulduu, gu etto työ?20Työ se oletto meijän kunnivo dai ilo.
Глава 2