Выбрать язык
Книги Ветхого Завета
Книги Нового Завета
с русским текстом1Puavil, Siluan da Timofei työtäh tervehytty fessalonikalazien uskojien kanzukunnale, kudai eläy Tuatas Jumalas da Ižändäs Iisusas Hristosas. Armuo da rauhuttu teile.
2Myö ainos kiitämmö Jumalua teis kaikis, konzu mainičemmo teidy omis malittulois.3Meijän Jumalan da Tuatan ies myö heittelemättäh mustelemmo, kui usko pani teidy dieloh, suvaičus - ruadoh da kui nad'oužu meijän Ižändäh Iisussah Hristossah pani teidy tirpamah.4Jumalale armahat vellet, myö tiijämmö, Häi on teidy vallinnuh,5sendäh gu meijän saneltu jevangelii tuli teijän luo ei vai sanoinnu, a väinke da Pyhän Hengenke da ylen uskottavasti. Tiijättö ičegi, kui myö elimmö teijän keskes, teijän hyvyökse.6Teis rodih meijän noudajat da Ižändän noudajat, gu suuren ahtistuksen keskel Pyhän Hengen annetul ilol otitto vastah sanan.7Nenga teis rodih moizet, kudamis kai Makedonien da Ahaijan uskojat voijah ottua kuavua.8Teijän keskespäi Ižändän sana kajahtih ei vai Makedonieh da Ahaijah, a kaikkiel muijalgi teijän usko Jumalah tuli tiijokse. Meil ei ole hädiä sanella teijän uskoh näh,9gu kaikin paistah, midä luadii meijän tulendu teijän luo: työ hylgäittö valehjumalat da kiännyittö sluužimah eläväle toven Jumalale10da rubeitto vuottamah taivahispäi Hänen Poigua, kudaman Häi nosti kuollielois, Iisussua, kudai piästäy meidy tulies vihas.
Глава 1