Выбрать язык
Книги Ветхого Завета
Книги Нового Завета
с русским текстом1Ga sit, vellet minun, kudamii minä suvaičen da atkaloičemmos, työ, minun ilo dai kunnivovenču, pyzykkiä lekahtamattah Ižändäs, armahat!2Kehitän Jevodiedu da kehitän Sintihiedu elämäh sobuh Ižändän täh.3Kyzyn sinuugi, minun surematoi ruadovelli, avvuta nämii naizii, kudamat yhtes minunke torattih jevangelien puoles, muga kui torattih Klemens da toizet minun ruadovellet, kudamien nimet ollah elaijan kniigas.4Piekkiä ainos hyviä mieldy Ižändäs! Uvvessah sanon: piekkiä hyviä mieldy!5Anna teijän vačan pehmehys tiijustetah kai rahvas. Ižändy on lähäl.6Älgiä huolikkua nimidä, a avakkua ainos Jumalale, midä teile pidäy, molijen da pakiten kiitändänke.7Sit Jumalan rauhus, kudai on korgiembi kaikkie ristikanzan ellendysty, kaččou da vardoiččou teijän syväindy da teijän mielii, i työ pyzyttö Hristosas Iisusas.
8Da sit vie, vellet, sanon: duumaikkua kaikkie, mi on tozi, mi on čestis piettävy, mi on oigei, puhtas, suvaittavu da hinnois piettävy, mi vai on hyvä da midä maksau kiittiä.9Ruadakkua sidä, midä opastuitto da otitto minus, midä minus kuulitto da näittö. Sit rauhan Jumal on teijänke.
10Minä ihastuin ylen äijäl Ižändäs, gu teijän huoli minus jälgimäi uvvessah puhkei kukkah. Työhäi ainos tahtoitto avvuttua minuu, no enne etto voinnuh.11Tädä en sano sikse, gu minul olis min hädä; minä olen harjavunnuh elämäh sil, midä on.12Tiijän, mi on eliä köyhyös, tiijän, mi on eliä bohattuos. Harjavuin kaikkeh da kaikenjyttymäh: syömäh kylläl dai nägemäh n'älgiä, elämäh kyllyös dai hiäs.13Kai minä voin Hänen avul, kudai andau minule vägie.14No työ ruavoitto hyvin, gu avvutitto minuu ahtahal aijal.15Työ, filippalazet, ičegi tiijättö, kui jevangelien alguaijoil, konzu minä lähtin Makedoniespäi, ni yksi uskojien kanzukundu ei andanuh minule jevangeliedu vastah d'enguabuu, sen luajiitto vai työ.16Konzu minä olin Fessalonikas, työ sinnegi työnnittö minule abuu kerran-toizen.17No en minä teis lahjoi eči, tahton vai, gu teijän d'engat tuodas teile suuren korroteksen.18Minä sain tävven maksun da vie enämbängi. Minul on kaikkie kybimänkylläl, gu sain Epafrodital teijän työtyt lahjat. Net ollah hyvä duuhu, pädii žertvu, ollah Jumalale mieldy myö.19Minun Jumal Hristosan Iisusan kauti andau teile omas suures bohattuospäi kaikkie, midä teile vai pidänöy.20Kunnivo Jumalale, meijän Tuatale, ainos dai ilmazen ijän! Amin'.
21Sanokkua tervehytty kaikile Hristossah Iisussah uskojile. Vellet, kudamat ollah minun luo, työtäh teile tervehytty.22Kai tägäläzet uskojat työtäh teile tervehytty, semmite net, kudamat sluužitah keisarin talois.
23Ižändän Iisusan Hristosan hyvys olgah teijän hengenke!
Глава 4