Выбрать язык
Книги Ветхого Завета
Книги Нового Завета
с русским текстом1Minun vellet, vie sanon, piekkiä hyviä mieldy Ižändäs! Minä en väzy kirjuttua teile yksis samazis dielolois, a teidy se vardoiččou pahas.2Vardoikkuattokseh niilöi koirii, niilöi pahoi ruadajii, niilöi niistiekse leikattuloi.3Tozi ymbärileikatut olemmo myö, kudamat sluužimmo Jumalale Hänen Henges, löyhkämmö Hristosal Iisusal, emmogo nad'eiččei omah iččeh,4hos minä voizin nad'eijakseh omah iččeh! Gu ken toine duumainnou, voibi nad'eijakseh omah iččeh, ga minä vie enämbäl:5olen kaheksandennu päivänny ymbärileikattu, roindua myö izrail'alaine, Veniaminan roduu, jevreilöis jevrei. Zakonan novvandah nähte olin farisei,6suuren rad'en'n'an Jumalah ozutin sil, gu painoin uskojien kanzukundua. Zakonan novvandah nähte olin oigei, i sendäh minuu ei ole mil soimata.7No kaikkie tädä, midä piin sualehennu, nygöi Hristosan täh pien menetyksenny.8I en vai tädä pie menetyksenny, pien menetyksenny kaikkie, sendäh gu minun Ižändän Hristosan Iisusan tundemine on minule kallehembi kaikkie muudu. Hänen täh minä menetin kai, lykkäin iäre gu topat, gu suazin omakse Hristossua,9da gu nägys kaikile, minä olen Hänes da olen oigei, en omien ruadoloin täh, sendäh, gu novvan Zakonua, a sendäh, gu uskon Hristossah; Jumal lugou oigiekse vai sidä, ken uskou.10Minä menetin kai, gu tiijustua Hristossua, gu tiijustua Hänen kuollieloisnouzendan vägi, olla yhtes Hänenke Hänen goris da roija kuolendas Hänen moizekse,11engo minägi sit suas kuollieloisnouzendua.
12En sano, olen jo suannuh tämän kaiken libo piässyh agjah suate, no minä täytty vägie menen edehpäi, gu suazin sen, mih niškoi Hristos Iisus sai minuu.13Vellet, en sano, gu olizin sen jo suannuh. Vai tämän voin sanuo: unohtan sen, mi on tagan, da otammos sih, mi on ies.14Minä juoksen agjah suate gu suaja voittajan palku – taivahalline elaigu. Sih elaigah Jumal kuččuu Hristosan Iisusan omii.15Ga sit muga pidäy duumaija jogahizel meis, ken on hengeči vadrastunnuh. A ku työ duumainnetto erähäs kohtas toizin, Jumal avuau teile sengi kohtan.16Meil vai pidäy mennä edehpäi sit kohtas, kudamah jo piäzimmö.
17Otakkua kuavua minus, vellet, da kačokkua niilöih, kudamat eletäh sidä myö, midä nähtih meis.18Puaksuh olen sanonuh teile, dai nygöi sanon kyynälienke: äijät eletäh gu Hristosan ristan vihaniekat.19Heijän agju on häviendy. Vačču on heijän jumal, hyö löyhketäh omil huijustettavil ruadoloil, heijän mielet ollah muallizis dielolois.20A myö olemmo taivahan eläjät, i taivahaspäi myö vuotammo Piästäjiä - Ižändiä Iisussua Hristossua.21Häi muuttau meijän alendetut rungat oman taivahallizen rungan jyttymäkse sil väil, kudamal Häi voibi ottua vallan alle kaiken.
Глава 3