Выбрать язык
Книги Ветхого Завета
Книги Нового Завета
с русским текстом1Gu kerran yhtyndy Hristossah andau rohkevuttu i Hänen suvaičus urostau, gu kerran Jumalan Hengi yhtyttäy meidy i myö olemmo lämminsydämellizet toine tostu vaste da žiälöičemmö toine tostu,2ga luajikkua sit minun hyvä mieli juuri tävvekse sil, gu oldas teil yhtet mielet, yksi suvaičus da gu eläzittö sobuh da yksismielin.3Älgiä luajikkua nimidä iččehpäi duumaijen da iččie suvaijen, a heitykkiä toine toizen ies da piekkiä tostu parembannu iččie.4Älgiä tabailkua vai ičele hyvytty, duumaikkua toizengi hyvytty.5
Anna teilgi on moine mieli, mittuine oli Hristosal Iisusal:
6Hänel oli Jumalan nägö,
no Häi ei rippunuh oigevuos
olla Jumalan verdaine.
7Häi andoi iäre sen, mi Hänel oli,
da otti käskyläzen nävön,
rodih ristikanzan moizekse.
Häi eli ristikanzannu rahvahan keskes,
8Häi heityi nuorembakse
da oli sanankuulii kuolendah suate,
ristukuolendah suate.
9Sendäh Jumal ylendi Händy
ylembäkse kaikkii
da andoi Hänele nimen,
kaikkii muidu nimii korgiemban.
10Anna Iisusan nimen ies
painuu joga polvi,
kui taivahas, mugai mual dai muan al,
11i anna joga suu sanou
Tuatan Jumalan kunnivokse:
«Iisus Hristos on Ižändy.»
12Sendäh, armahat minun, kui työ ainos kuundelitto minuu, konzu olin teijän luo, kuunnelkua vie parembi nygöi, konzu en ole teijänke: varaten da vabisten ponnistelkuattokseh, gu vediä loppuh oma piäzendy.13Jumalhäi panou teidy tahtomah dai ruadamah omien hyvien mielien mugah.14Luajikkua kai kurkettamattah da kiistämättäh,15gu ei olis mis teidy soimata da gu olizitto puhtahat da vijattomat Jumalan lapset tämän muanittajan da koiravunnuon rahvahanpolven keskel. Työ läpetättö heijän keskes gu tiähtet taivahas,16gu riputto elaijan sanas, i minä voin Hristosan päivänny löyhkiä, gu en tyhjiä juossuh da en tyhjiä murdanuh.17No hos minun veri valutettas sen žertvan piäle, kudaman tuon, konzu sluužin teijän uskole, minä yksikai olen hyväs mieles da pien iluo kaikkien teijänke.18Mugai työ piekkiä iluo da olgua hyväs mieles minunke.
19Nad'eičemmos Ižändäh Iisussah da uskon, voin terväh työndiä Timofeidu teijän luo. Ku tiijustan, kui sie dielot ollah, sit minägi suan rohkevuttu.20Minul ei ole nikedä hänen jyttymiä, ken nenga tovel pidäs huoldu teijän dielolois,21gu kaikin huolitah vai omua, a ei Iisusan Hristosan dieloloi.22Työ tiijättö, mittuine surematoi ruadai on Timofei: minunke yhtes häi ruadoi jevangelien hyvyökse, kui ruadas poigu tuatanke.23Smietin, voin työndiä händy matkah kerras, ku vai näin, midä minule rodieu.24Lujah uskon, minulegi Ižändy andau piästä terväh teijän luo.
25Nygöi minä näin, pidäy työndiä teijän luo Epafrodittua, minun vellie ruavos dai toris, kudamua työ työnnittö ruadamah minule, konzu minule pidi abuu.26Häi sendäh atkaloičeh teidy da tuskičeh, gu työ saitto tiediä hänen voimattomukseh näh.27Häi tovengi oli voimatoi, oli ihan kuolemas, no Jumal žiälöičči händy, i ei vai händy, a minuugi, eiga minule roinnus uuttu tuskua endizien ližäkse.28Sendäh minä huolitan työndiä händy järilleh, gu uvvessah händy nähtyy työ ihastuzitto dai minulgi olis vähembi gor'ua.29Ga sit vastakkua händy Ižändän täh hyväl mielel da piekkiä počotas hänen jyttymii!30Häi, näit, oli surman pardahal Hristosan ruavon täh, vähäs ei andanuh omua hengie, gu avvuttua minuu sit, mis työ etto voinnuh avvuttua.
Глава 2