Выбрать язык
Книги Ветхого Завета
Книги Нового Завета
с русским текстом1Lapset, kuunnelkua vahnembii Ižändän täh, gu muga käsköy oigei elaigu.2«Pie hyvänny tuattua da muamua,» on enzimäine käsky, kudamanke on annettu uskalmo:3«gu sinule rodies hyvä da voizit hätken eliä mual.»4A työ tuatat, älgiä nostatakkua lapsis tabua, a kazvatakkua heidy opastajen da n'evvojen Ižändän tahton mugah.
5Orjat, kuunnelkua omii muallizii ižändii. Varakkua da počitoikkua heidy puhtahal sydämel, gu Hristossua,6ei vai heijän silmis gu ugodie heile, no Hristosan käskyläzinny täytäkkiä Jumalan tahto kaikel sydämel.7Ruadakkua oma ruado rakkahal, kui ruadazitto Ižändäle, a ei kui rahvahale.8Mustakkua: jogahine, ken luadiu midätahto hyviä, suau Ižändäspäi sit ruavos palkan, olgah häi orju libo välly.9Mugai työgi, ižändät, piekkiä nenga omii orjii, heitäkkiä heijän varaittelendu. Tiijättöhäi sen, teil dai heil on taivahis yksi Ižändy, Hänel ei ole ni parembii, ni pahembii.
10Sanon lopukse: lujendakkua iččie Ižändäs, otakkua vägie Hänen suures väis.11Pangua piäle kai Jumalan toravehkehet, ku voizitto kestiä pahalazen muanittelendois.12Emmohäi myö torua ristikanzoinke, a toruammo valin da vägilöinke, tämän pimien muailman haldivoiččijoinke da taivahanalazien pahuon hengivalloinke.13Sendäh otakkua kai Jumalan toravehkehet, gu voizitto pahan päivän tulduu vastustua pahua da, kaiken ruattuu, pyzyö pystyi.14Seizokkua lujannu! Pangua vyökse tozi da piäle oigien raudupaidu,15jallaččiloinnu olgah valmehus sanella rauhan jevangeliedu.16Otakkua ainos usko suojusravvakse, kudamal voitto sammuttua kai pahalazen tulihizet piilit.17Šlemakse vie otakkua piäzendy, i otakkua Hengen miekku - Jumalan sana.
18Luajikkua tämä kai malitunke, pangua malittuu da pokoroikkuattokseh ainos, kui käsköy Hengi. Olgua jallas da moliettokseh heittelemättäh kaikkien jumalanuskojien puoles.19Moliettokseh minungi puoles, anna minule, konzu rubien pagizemah, annettas sanat gu kuuloittua julgieh jevangelien peittomielii.20Jevangelien täh olen Hristosan työtynny, a nygöi olen tyrmäs. Moliettokseh, gu voizin paista julgieh, muga kui minul pidäy.
21A ku työgi tiedäzittö, midä minule kuuluu da midä ruan, tulou teijän luo Tihikku, minun armas uskovelli da Ižändän surematoi käskyläine. Häi sanelou teile kai.22Työnnän händy teijän luo juuri sikse, gu työ suazitto tiediä, midä meile kuuluu, i gu häi alevuttas teidy.
23Jumal, meijän Tuatto, da Ižändy Iisus Hristos annettahes teile, vellet, rauhuttu, suvaičustu da uskuo.24Kaikkie hyviä Jumalaspäi kaikile niilöile, kudamat suvaijah meijän Ižändiä Iisussua Hristossua ilmanigäzel suvaičuksel!
Глава 6