Выбрать язык
Книги Ветхого Завета
Книги Нового Завета
с русским текстом1Ga sit otakkua kuavua Jumalas, olettohäi työ Hänen armahat lapset.2Eläkkiä suvaijen toine tostu, muga kui Hristos suvaičči meidy da andoi oman hengen meijän täh hyväle tulijakse lahjakse da žertvakse Jumalale.3Karguandas da nimis paganas libo ahnehuos ei pidäs ni paista teijän keskes, se ei päi jumalanuskojile.4Mugai ei pätä mattisanat, tyhjät paginat da korondat, a parembi pätäh kiitändysanat.5Työhäi hyvin tiijättö, gu ni yhtel karguajal libo jumalattomal ei rodei kodivuittii Hristosan da Jumalan valdukunnas i ni ahnahal, kudai nimil ei eruo valehjumaloile kumardelijas.6Älgiä annakkua nikelle muanittua teidy tyhjil paginoil; niilöin täh Jumalan viha tulou kuulemattomien piäle.7Pyzykkiä eriže moizis ristikanzois.
8Enne työ olitto pimei, a nygöi Ižändäh yhtyhyy työ oletto valgei. Eläkkiä valgien lapsinnu,9sikse gu valgien andiminnu on kai, mi on hyvä, oigei da tozi.10Kaikelleh kačokkua, mi on Ižändäle mieldy myö.11Älgiä yhtykkiä pimien ruadoloih, net ei tuvva hyvii andimii, a parembi tuogua net ruavot päivänvalgieh.12Huigei on sanellagi, midä nengomat ristikanzat ruatah peitoči.13No kai ozutahes, konzu valgei sen avuau,14sikse gu valgei on se, mi luadiu kaiken nägyväkse. Sanotahhäi:
- Havaču, maguaju,
da nouze kuollielois,
i Hristos on sinule valgiennu!
15Sit kačokkua hyvin, kui elättö: älgiä eläkkiä gu mielettömät, eläkkiä gu mielevät,16pangua hyväh dieloh oma aigu, gu tämä aigu on paha.17Älgiä sit olgua hajuttomat, a ellendäkkiä, mi on Ižändän tahto.18Älgiä juogua viinua humalah suate, se vedäy elämäh vällil veriälöil, a täytykkiä Hengel,19pajatakkua yhtes psalmoi, ylendysvirzilöi da pyhii pajoloi. Pajatakkua da ylendäkkiä Ižändiä kaikel sydämel,20ainos da kaikes kiitäkkiä Jumalua, meijän Tuattua, meijän Ižändän Iisusan Hristosan nimes.
21Heitykkiä toine toizele Hristossua varaten.22Akat, heitykkiä omale ukole, kui heityttö Ižändäle,23sikse gu ukko on akan piä, muga kui Hristos on uskojien kanzukunnan piä; onhäi Häi kanzukunnan, oman rungan, Piästäi.24Kui uskojien kanzukundu heittyy Hristosale, mugai akal pidäy kaikes heittyö ukole.
25Ukot, suvaikkua omua akkua, kui Hristos suvaičči uskojien kanzukundua da andoi oman hengen sen puoles,26gu luadie se pyhäkse. Häi pezi sen puhtahakse viel da sanal,27gu panna se iččeh edeh kaikes čomuos - pilkazettomannu, ruppizettomannu da kaikes vijattomannu, pyhänny da moittimattomannu.28Muga ukkoloilgi pidäy suvaija omua akkua gu omua iččie. Ken suvaiččou akkua, se suvaiččou iččie.29Eihäi niken nikonzu vihannuh omua rungua, no jogahine syöttäy da ämmättäy sidä, juuri muga kui Hristos uskojien kanzukundua30- omua rungua, kudamah myö kuulummo.31«Sikse mies jättäy tuatan da muaman da yhtyy akkah, i hyö kahtei roijah yhtekse.»32Tämä peittodielo on suuri: minä pagizen täs Hristossah da uskojien kanzukundah näh.33Yksikai se koskou teidygi kaikkii: jogahizel pidäy suvaija akkua gu omua iččie, a akal pidäy počitoija omua ukkuo.
Глава 5