Выбрать язык
Книги Ветхого Завета
Книги Нового Завета
с русским текстом1Juuri sendäh minä, Puavil, kudai Hristosan Iisusan tahtos olen kiiniotettu teijän, vierasheimolazien täh, molimmos Jumalale.2Tiettäväine, työ kuulitto niilöis Jumalan mielis, kudamat Häi omas hyvyös andoi minule teih niškoi.3Jiävindän kauti minule on avattu nämä peittomielet, kui minä jo lyhyösti kirjutin teile.4Tädä lugijes työ voitto nähtä, kui hyvin minä olen peril peittomielis Hristossah näh.5Mennyzien polvien aigah niilöi ei annettu tiediä rahvahale, no nygöi Hengi avai net Hristosan pyhile apostoloile da iänenkandajile.6Net ollah täs: jevangelien vuoh Jumal andau kodivuitin Händy tundemattomile rahvahile yhtenjytyi jevreilöinke, net dai nämä ollah yhty rungua, i yksi sama uskalmo koskeh heidygi Hristosan Iisusan täh.7Minä rodiimmos tämän jevangelien levittäjäkse Jumalan n'eruo myö, kudaman Häi omas hyvyös andoi minule omal väil.
8Minule, pienimäzele kaikis jumalanuskojis, on annettu tämä n'ero - sanella Jumalua tundemattomile rahvahile jevangeliedu Hristosan arbuamattomah bohattuoh näh9i avata kaikile, kui Jumalan peittomielet tullah tovekse. Jumal, kaiken luadii, on aijoin allus pidänyh niilöi peitos.10Nenga Jumalan monenluaduine mielevys avavuu nygöi uskojien kanzukunnan kauti muan da taivahan keskes olijoile vallanpidäjile da valloile.11Se on Hänen ilmanigäine tahto, kudamal pidi stuaniekseh meijän Ižändän Iisusan Hristosan kauti.12Gu myö olemmo Hristosas da uskommo Häneh, myö voimmo julgieh da suremattah tulla Jumalan luo.13Sendäh minä sanon teile: älgiä piekkiä pahua mieldy, hos minä tirpan gor'ua teijän täh. Se roih teile kunnivokse.
14Sendäh minä painun polvilleh Tuatan edeh,15kudamas joga tuatto taivahis dai mual sai tuatan nimen.16Molimmos, gu Häi oman agjattoman valgien mugah omal Hengel lujendas teijän hengie, gu se suas vägie.17Molimmos, gu Hristos uskol eläs teijän sydämes, a suvaičus olis teijän elaijan alustu da kazvon juuret.18Sit työ yhtes kaikkien jumalanuskojienke voitto ellendiä, mittuine levei, pitky, korgei da syvä on Hristosan suvaičus,19da voitto tiediä sen suvaičuksen, hos se on kaikkie tieduo korgiembi. Muga työ täytyttö kaikel Jumalan täydehyöl.
20Jumalale, kudai meis ruadajal väil voibi luadie äijiä kerdua enämbän, migu myö maltammo pakita libo duumaija,21Hänele kunnivo uskojien kanzukunnas da Hristosas Iisusas polves da polveh, ainos dai ilmazen ijän! Amin'.
Глава 3