Выбрать язык
Книги Ветхого Завета
Книги Нового Завета
с русским текстом1Vellet, gu kedä tavatanneh riäh kyruavol, sit teil, kedä Hengi vedäy, pidäy kohendua sidä riähkän ruadajua hyväzilleh. No kačo iččie, eiga sinägi puutut muanituksih.2Kannakkua toine toizen takkoi, sit täytättö Hristosan Zakonan.3Ku ken smiettinöy iččie miksetahto suurekse, a on animi, häi muanihes.4Anna jogahine hyvin kaččou vai omat ruavot. Sit häi voibi löyhkiä vai omas ičes, verduamattah iččie toizih.5Jogahizelhäi pidäy kandua oma kandamine.
6Kelle Jumalan sanua opastetah, annakkah se omis elolois opastajale kaikkie hyviä.7Älgiä muanivukkua: Jumal ei anna nagrua iččie! Midä ristikanzu kylväy, sidä i leikkuau.8Ken kylväy siemenen oman riähkähizen tavan peldoh, se leikkuau sit surman. A ken kylväy siemenen Hengen peldoh, se leikkuau sit ilmanigäzen eloksen.9Anna emmo väzy hyvänluajindas, i sit omal aijal voimmo kerätä uudizen, gu emmo jättäne ruaduo kesken.10Ainos, konzu vai voimmo, luajikkuammo hyviä kaikile, semmite uskovellile.
11Kačokkua, mittumil suuril kirjaimil minä kirjutan nygöi teile omal käil!12Net, kudamat tahtotah ozuttua iččie hyvänny, opitah vägeh ymbärileikkavuttua teidy. Hyö luajitah muga vai sikse, gu heidy ei painettas Hristosan ristan täh.13Eihäi ni ymbärileikatut iče nouta Zakonua, no tahtotah suaja teidy ymbärileikattuloikse, ku voidas sit löyhkiä sil, midä teile on luajittu.14A minä kačo ni ijäs en tahto löyhkiä nimil muul, vai meijän Ižändän Iisusan Hristosan ristal. Sen ristan täh muailmu on kuolluh minuh nähte, a minä muailmah nähte.15On yksikai, ongo ristikanzu ymbärileikattu vai ymbärileikkuamatoi. Kai on sit, gu händy on luajittu uvvekse.16Rauhuttu da armuo kaikile, ket pietäh tädä elaijan alustannu, da Jumalan Izrail'ale!
17Anna niken jälles tädä ei tuo minule huoldu, minulhäi on rungas Iisusan täh suavut kibienjället.18Ižändän Iisusan Hristosan hyvys olgah teijän hengenke, vellet! Amin'!
Глава 6