Выбрать язык
Книги Ветхого Завета
Книги Нового Завета
с русским текстом1Nygöi kolmanden kerran tulen teijän luo, sikse gu «joga dielo pidäy lujendua kahten libo kolmen ristikanzan sanal».2Varaitin jo toizel kerral sie olles niilöi, kudamat luajittih riähkiä, nygöi tiäpäi varaitan heidy dai kaikkii muidu: konzu tulen sinne uvvessah, en žiälöiče teidy.3Työhäi tahtotto nähtä, gu minus pagizou Hristos. Teih niškoi Häi ei ole väitöi, Häi jiäviy oman väin teijän keskes.4Häi oli väitöi, konzu Händy nuaglittih ristah, no Häi eläy Jumalan väil. Myögi olemmo väittömät yhtes Hänenke, no teih niškoi rubiemmo elämäh yhtes Hänenke Jumalan väil.
5Kačokkua hyvin, elättögo uskos. Kaikelleh kačokkua. Ettogo näi, Iisus Hristos on teijän keskes? Gu ei olle muga, sit työ etto ole net, kudaminnu teil pidäy olla.6A meis työ, uskon, tiijustatto: myö olemmo net, kenenny meil pidäy olla.7No myö molimmo Jumalua, gu työ etto luadis nimidä pahua. Emmo sikse moli, gu ozuttua iččie moizinnu, mittuminnu pidäy olla, a molimmo sikse, gu työ luadizitto hyviä, hos myö i olizimmo moizinnu, mittuminnu ei pie olla.8Myö emmo voi nimidä tovele vastah, voimmo vai sen puoles.9Myö olemmo hyväs mieles, gu myö olemmo väittömät, a työ - vägevät. Sidähäi myö molimmoksehgi, gu työ kohenizitto kaikes.10Sikse minä kirjutangi tämän loittonpäi, gu teijän luo tulduu ei puuttuo pahakse, konzu ozutan teile Ižändän annettuu valdua. Sen vallan Häi andoi minule gu nostua, a ei levittiä teidy.
11Prosken'n'oikse, vellet, sanon: olgua vesselät, pangua kundoh omat dielot, kuunnelkua kehitändöi, olgua yksimielizet da eläkkiä rauhas, sit rauhuon da suvaičuksen Jumal roih teijänke.12Luajikkua tervehyöt toine toizele pyhäl suunannandal.
Tervehytty teile kaikis jumalanuskojispäi!
13Ižändän Iisusan Hristosan hyvys da Jumalan suvaičus olgah kaikkien teijänke, da yhtytäkkäh teidy Pyhä Hengi!
Глава 13