Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгу про «Библия»Содержание1-я книга Моисеева. БытиеКнига РуфьПсалтирьПритчиИсаияИона

Книги Нового Завета про «Uuzi Sana»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровение

TOINE KIRJAINE KORINFALAZILE

Lugu 6

1Jumalan ruadovellinny olles myö pokoroičemmokseh: otakkua Jumalan hyvys muga, gu se ei menis tyhjäh!2Häi sanou:
- Hyväl aijal kuulin sinuu,
piäzendypäivänny avvutin sinuu.
Juuri nygöi on hyvä aigu,
juuri nygöi on piäzendypäivy.

Puavilan vaigevukset

3Myö nikelle da nimis emmo pane kampii, gu meijän ruaduo ei moitittas.4Kaikes ozutammo iččie Jumalan ruadajannu. Myö hyvin kestämmö gor'at, kestämmö hiän dai ahtistukset,5lyöndät, tyrmät, hälyt, jygiet ruavot, unettomat yöt, n'ällän.6Meijän mielet ollah puhtahat, meil on tiedo, myö olemmo tirpačut, hyvät toine tostu vaste, meil on Pyhä Hengi da tozi suvaičus,7on toven sana da Jumalan vägi. Toravehkehenny meil oigies dai huras käis on oigei elaigu.8Meidy počitoijah dai paheksitah, kirotah dai kiitetäh. Meidy pietäh muanittelijoinnu, no myö pagizemmo tottu.9Meidy pietäh tundemattominnu, no tundietah hyvin; myö olemmo surman pardahal, no elämmö; meidy kuaznitah, no myö olemmo vie hengis;10meijän mieldy pahoitetah, no myö olemmo ainos vesselät. Olemmo köyhät, no äijii luajimmo bohatoikse; meil ei ole nimidä, no yksikai meil on kai.

11Korinfalazet, myö pagizemmo teijänke kohti, meijän sydämet ollah avavunnuot,12sie on sijua teile, a teijän sydämet ollah ahtahat.13Luajikkua kui myö, - pagizen teile gu omile lapsile - avakkua meile vastah omat sydämet.

Elävän Jumalan kodi

14Älgiä mengiä yksih aižoih uskomattomienke. Midä ruadua yhtes oigevuol da viäryöl? Midä yhtehisty on pimiel da valgiel?15Voijahgo Hristosal da Veliaral*a olla yhtehizet mielet? Midä yhtehisty on uskojal uskomattomanke?16Pätähgo yhteh Jumalan pyhäkodi da valehjumalat? Myöhäi olemmo elävän Jumalan kodi, kui Jumal on sanonuh:
- Minä azetun elämäh ristikanzoih,
kävelen heijänke.
Minä roimmos heijän Jumalakse,
a hyö Minun rahvahakse.
17Sikse:
Lähtekkiä iäre heijän joukos,
erokkua heis - sanou Ižändy -
älgiä koskiet nimidä paganua,
sit Minä omastan teidy.
18Minä roimmos teijän Tuatto,
a työ - Minun poijat da tyttäret.
Nenga sanou Ižändy, Kaikenvaldaine.

*a 6:15 Veliar on sattanan yksi nimi.

 Глава 6