Выбрать язык
Книги Ветхого Завета
Книги Нового Завета
с русским текстом1Myö tiijämmö, hos meijän mual- line kodi, tämä stuanu, kuaduu, meil on taivahas Jumalan varustettu eloisija, ilmanigäine kodi, kudai ei ole luajittu rahvahien käzil.2Tiä olles myö ohkammo, gu äijäl tahtommo suaja taivahallizen kuoren.3Konzu myö šuorimmokseh sih, sit myö emmo jiä alasti.4Kuni myö olemmo vie täs muallizes stuanus, myö ohkammo takan al, gu emmo tahto jaksua tädä kuordu, a tahtommo panna sen piäle taivahallizen kuoren, anna elaigu lainuos sen, mi on kuolii.5Jumal on se, kudai valmisti meidy juuri täh niškoi da andoi meile sen merkikse oman Hengen.
6Sendäh myö ainos olemmo rohkiet hengel, hos tiijämmö, kuni elämmö täs rungas, olemmo eriže Ižändäs.7Myöhäi elämmö uskol, a ei sil, midä näimmö.8Sikse myö olemmo hengel rohkiet, i tahtozimmo parembi lähtie täs rungaspäi da mennä kodih Ižändän luo.9Sendäh myö, olemmogo jo sie libo vie muijal, panemmo kai väit, gu eliä Hänen mieldy myö.10Vet kaikil meil pidäy tulla Hristosan suvvon edeh, gu jogahine suas sen mugah, midä rungas olles ruadoi, hyviä libo pahua.
11Nygöi, konzu myö tiijämmö, mi se on varata Ižändiä, myö opimmo kiändiä rahvahii Hänen puoleh. Jumal hyvin tiedäy, mittumat myö olemmo, da nad'eičemmos, gu työgi oman hengen kauti tiijättö sen.12Emmo myö rubie myös kiittämäh iččie teile, vai annammo teile vallan mennä hyväkse meijän täh. Sit teil olis midä vastata niilöile, kudamat mennäh hyväkse sil, mi nägyy piälpäi, a ei sil, mi on sydämes.13Gu olemmo gu mielis liikkunuot, ga se Jumalah niškoi. A konzu olemmo tervehel piäl, se teih niškoi,14sikse gu Hristosan suvaičus piettelöy meidy. Myö, kačo, nenga duumaičemmo: gu yksi kuoli kaikkien täh, sit kaikin kuoltih.15A Hristos kuoli kaikkien täh, anna eläjät ei enämbiä elettäs iččeh niškoi, a elettäs Häneh niškoi, kudai kuoli da nouzi kuollielois heijän täh.
16Sendäh nikedä emmo täs päiväs lähtijen miäriä omua iččie myö. Hos enne miäräimmö Hristossua omua iččie myö, enämbiä emmo rua muga.17Sendäh, ken on Hristosas, se on luajittu uvvekse. Vahnu hävii, sijah tuli uuzi.18Kai tulou Jumalaspäi, kudai Hristosan vuoh tuli sobuh meijänke da andoi meile ruavon sovittua rahvastu iččehke.19Jumal iče tuli sobuh muailmanke Hristosan vuoh, da ei pannuh viäräkse rahvastu heijän hairahtuksien täh. A meile Häi käski kandua sanua sih sobuh niškoi.20Ga sit myö olemmo Hristosan työtyt, i Jumal pagizuttau teidy meijän kauti. Kehitämmö Hristosan nimes: tulgua sobuh Jumalanke.21Hristosan, kudai ei tiedänyh riähkiä, Jumal luadii meijän täh riähkäkse, gu Hänes myö piäzizimmö oigiekse Jumalan ies.
Глава 5