Выбрать язык
Книги Ветхого Завета
Книги Нового Завета
с русским текстом1Rubiemmogo vie kiittämäh iččie? Pidäygo i meil, kui erähil toizil, olla kiitändykirjazet teile annettavakse libo teispäi otettavakse?2Työ iče oletto meijän kiitändykirjaine, kudai on kirjutettu meijän sydämih kaikile rahvahile nähtäväkse da lugiettavakse.3Kaikile nägyy, työ oletto Hristosan kirjaine, meijän ruavon vuoh kirjutettu, ei černiläl, a elävän Jumalan Hengel, ei kivipliittoih, a sydämih.
4Nengoine usko Jumalah on meis Hristosan kauti.5Emmo sano, myö omas ičes päimmö midätahto luadimah, buitegu se olis meis lähtenyh. Kai meijän n'erot on Jumalas tulluot.6Häi on se, kudai luadii meidy pädijöikse ruadamah uvven sovun hyväkse. Sen sovun pohjannu ei ole kirjutettu Zakon, a on Hengi, sikse gu Zakon tuou surman, a Hengi andau eloksen.
7Jo kivipliittoih kaiverdettu Zakon tuli moizes taivahallizes valgies, ga izrail'alazet ei voidu ni kaččuo Moisein läpettäjih rožih, hos niilöis tulii valgei oli kaduoju. Gu kuolendua kandajan Zakonan ruado tuli nengozes taivahallizes valgies,8kui äijiä suurembas valgies sit tulou Hengen ruado!9Gu suudindan ruado tuli taivahallizen valgienke, sidä suuremban valgienke tulou ristikanzua oigiekse luadii ruado.10Sen valgei on moine piäličimiäräine, ga sen rinnal pimenöy se, kudamas enne lähti valgei.11Gu segi, mi on kaduoju, tuli taivahallizen valgienke, vie äijiä valgiembi on se, mi ei kaduo.
12I gu meil on nengoine usko, myö olemmo ylen julgiet.13A ei muga kui Moisei, kudai peitti paikal rožat, gu izrail'alazet ei nähtäs kaduojan valgien häviendiä.14Izrail'alazien mielet ollah sogiet. Se samaine paikku on heijän silmil vie tänäpäigi, konzu hyö lugietah Vahnan sanan kirjutuksii. Heijän rožat pyzytäh katetunnu sen täh, gu vai Hristosan vuoh se paikku roih otettu iäre.15Vie nygöigi, konzu hyö lugietah Moisein kirjutuksii, heijän sydämien piäl on kate.16No konzu heijän syväin kiändyy Ižändän puoleh, tämä kate otetah iäre heijän sydämel.17Ižändy on Hengi, i kus Ižändän Hengi on, sie meidy on piästetty välläle.18Myö kaikin, kudamat rožien avattuu kačommo Ižändän taivahallistu valgiedu gu zirkalos, muutummo iče Hänen luaduzekse, valgiekse, kudai ainos vai suurenou. Tämän luadiu Ižändy, kudai on Hengi.
Глава 3