Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгу про «Библия»Содержание1-я книга Моисеева. БытиеКнига РуфьПсалтирьПритчиИсаияИона

Книги Нового Завета про «Uuzi Sana»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровение

TOINE KIRJAINE KORINFALAZILE

Lugu 2

1Sendäh piätin omas ičes, gu minun tulendu täl kerdua ei tuos teile pahua mieldy.2Gu minä abeitannen teidy, kenbo sit vois ihastuttua minuu, gu ei se, kelle minä annoin abien mielen.3Juuri täh niškoi minä kirjutingi sen kirjazen, gu minul sinne tulduu ei rodies abei niilöin täh, kudamien täh minul pidäs olla hyväs mieles. Lujah uskoin, minun hyvä mieli on kaikkien teijängi hyvä mieli.4Kirjutin teile suures ahtistukses, sydämen tuskis da kyynälsilmin, no ei sendäh, gu tuvva teile abiedu, a sendäh, gu tiedäzittö, minä ylen äijäl suvaičen teidy.

Riähkähisty pidäy prostie

5A gu ken liennou tuonnuh pahua mieldy, häi ei tuonnuh sidä vai minule, a toi teile kaikile - hos äijän-vähän, gu ei sanuo liigua.6Moizele ristikanzale on kylläl sit nakažindas, kudaman häi sai enimis teis.7A nygöi parembi prostikkua da kannatakkua händy, gu liijan suuri abei ei syös händy.8Sendäh kehitän teidy, ozutakkua hänele, kui suvaičetto händy.9Juuri sendäh minä kirjutingi teile sen kirjazen, gu oppie teijän mielii da tiijustua, olettogo työ ainos sanankuulijat.10Kedä työ prostitto, sidä minägi prostin, a gu kedä prostiin - gu liennou olluh sil midä prostittavua - luajiin sen teijän täh Hristosan silmien ies,11gu sattan ei piäzis voittamah meidy. Hänen mielet myö tiijämmö.

Puavilan huolet Troadas

12Lähtin sit sanelemah Hristosan jevangeliedu Troadah, sie Ižändy avai minule veriän ruadoh.13No minun vačču ei alevunnuh, gu en löydänyh sie Tiittu-vellie, i sikse prostiimmos uskojien kanzukunnanke sie da jatkoin matkua Makedonieh.

14Kiitetty olgah Jumal, kudai ainos vedäy meidy Hristosan voittoparuadas da meijän kauti levittäy Hristosan tundemizen hyviä duuhuu.15Myö olemmo Hristosan hyvä duuhu, kudai tulou Jumalan edeh. Tämä duuhu tundietah net, kudamat piästäh dai kudamat hävitäh.16Erähile se on kuolendan duuhu kuolendakse, toizile - elaijan duuhu elaijakse. I kenbo sih pädöy?17Myö emmo ole gu net äijät, kudamat pietäh kauppua Jumalan sanal. Myö viäristelemättäh sanelemmo sidä Hristosan väil Jumalan ies moizennu, mittumannu se tuli Jumalaspäi.

 Глава 2