Выбрать язык
Книги Ветхого Завета
Книги Нового Завета
с русским текстом1A mi koskeh d'engankeriändiä
Jerusaliman jumalanuskojile, ga ruadakkua muga, kui minä n'evvoin uskojien kanzukundii Galaties:2joga n'edälin enzimäzenny päivänny anna jogahine teis panou eriže da suittau d'engua ken min voit, gu ei ruveta keriämäh d'engua vaste sit, konzu minä tulen.3Sit, gu tulen, työnnän niilöi, kudamii työ kačotto pädijöikse, vedämäh kirjazienke teijän lahjua Jerusalimah.4A ku pidänöy minulgi lähtie sinne, sit hyö lähtietäh minunke.
5Makedonies läbi matkattuu tahton tulla teijän luo. Minähäi tulen Makedonien kauti.6Voibi olla jiän teijän luo mittumakse tahto aigua, toinah kogo talvekse, gu sit työ keriäzittö minuu matkah, kunne i lähtenen.7En tahto vai čökelläkseh nägemäh teidy, gu uskon, Makedoniespäi tulduu voin olla teijän luo hätkembäzen, gu andanou Jumal.8A tiä Efesas minä olen Sroičanpäiväh suate,9sikse gu minule avavui suuri da äijän andai ruado, da vastustajua on äijy.
10Gu tullou teijän luo Timofei, kačokkua, gu hänel ei pidäs sie nimidä varata. Häi ruadau Ižändän ruaduo, kui i minä,11sendäh anna niken ei paheksi händy. Keräkkiä händy rauhas matkah tulemah järilleh minun luo. Minä toizien vellienke vuotan händy tiä.
12A mi koskeh velli Apollonua, ga minä ylen äijäl kehitin händy lähtemäh toizien vellienke teijän luo, no häi nikui ei tahtonuh lähtie nygöi, a tulou sit, konzu aigu andau.
13Olgua jallas, seizokkua lujinnu uskos, olgua rohkiet, olgua vägevät.14Kai, midä työ luajitto, luajikkua suvaičuksenke.
15Minul olis vie pagin teile, vellet. Työ tiijättö, Stefan da hänen pereh ollah meijän ruavon enzimäine tulos Ahaijas, i hyö annettihes jumalanuskojien avvutanduruavole.16Heitykkiä heijänmoizile i jogahizele, kudai ruadau da nägöy vaivua yhtes heijänke.17Olen hyväs mieles, gu Stefan, Fortunuattu da Ahaikku tuldih tänne, hyö ollah minule gu teijän sijas.18Hyö kohendettih minun mieldy kui teijängi. Piekkiä hinnois nengomii.
19Aazien uskojien kanzukunnat työtäh teile tervehytty. Akila da Priskilla da heijän kois kerävyi uskojien kanzukundu sežo työtäh teile äijän tervehytty Ižändän nimes.20Tervehytty kaikis vellis. Toivotakkua tervehytty toine toizele pyhäl suunannandal.
21Minä, Puavil, omal käil kirjutan täh tervehyöt.22Ken ei suvaiče Ižändiä, se olgah anafema, kirottu. Marana fa! - Tule, meijän Ižändy!23Ižändän Iisusan hyvys olgah teijänke.24Minun suvaičus olgah teijän kaikkienke Hristosas Iisusas!
Глава 16