Выбрать язык
Книги Ветхого Завета
Книги Нового Завета
с русским текстом1Kaikkiel paistah, buite teijän keskes on karguandua, kai mostu karguandua, mittumua ei ole ni Jumalua tundemattomien rahvahien keskes: eräs eläy muamindamanke gu oman akanke.2A työ vie suurendelettokseh, konzu parembi ollus itkie da ajua iäre omas joukos mies, kudai luadii nengostu.3Hos minä rungači en ole teijänke, minun hengi on teijänke, i minä, buitegu sie olii, olen jo suudinuh sen, kudai luadii mostu.4Konzu työ kerävyttö yhteh Ižändän Iisusan nimes, i teijänke sie on minun hengi da Ižändän Iisusan vägi,5sit sidä miesty pidäy andua sattanale, gu hävies hänen rungu, a hengi piäzis Ižändän tulendupäivänny.
6Teijän löyhkändy ei ole hyväkse. Ettogo työ tiijä, gu n'äppine muijotestu muijottau kogo taiginan.7Kuavikkua iäre vahnu muijotes, gu teis rodies uuzi taigin. Ilmai muijotestu työ jo olettogi, onhäi meijän Äijänpäivän Vuonu, Hristos, jo iškietty.8Emmo sit rubie viettämäh Äijänpäivän pruazniekkua kaikenjyttymän pahuon vahnas muijotekses, a vietämmö muijoteksettah, puhtahuos da toves.9Kirjutin jo kirjazes teile, gu teil ei pidäs olla nimidä yhtehisty karguajienke.10En tarkoitannuh uskomattoman rahvahan keskes olijoi karguajii, ahnehii, kiškojii da valehjumaloile kumardelijoi, eiga teil pidäs lähtie kogonah iäre muailmaspäi.11A kirjutin täh niškoi: gu kedä sanotanneh uskovellekse, a häi on karguaju, ahneh, valehjumaloile kumardelii, koirii, juomari libo kiškoi, älgiä yhtykkiä häneh nikui. Ni syömäh älgiä ruvekkua hänenke.12Midä minul suudie ulgopuolizii? Ettohäi ni työ suudi muidu, suuditto vai teijän joukkoh kuulujii.13Ulgopuolizii suudiu Jumal. «Ajakkua iäre teijän keskes se, kudai on paha.»
Глава 5